Ibranii 10:22 - Dadiya NT

²² bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 10:22 ပူးပေါင်းရင်းမြစ်များ

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Luka 1:1

Nǝbɔ a lada na a saa golagɔ jǝ mʊlam kanjǝl nɨ lɛ a bwɨ a kʊm nǝnɨ.

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 8:9

Ja nyʊwa nyɨɨ, nǝngɔ ja tǝl jelatǝmɔ win wini, a tǝl nǝn dʊʊmɔ a yɔ nǝn a bɛtɨ gǝmɨ, ba bǝla Yesu jǝbɔ nɔɔlɨ nɨ tɨm a kǝga gǝnɨ.

Maajɨ Bɛtɔ Twamagɨɨ 22:16

Kǝngkɔ n wɛ mʊ yam lɛɨ? Gun ja yʊ ń mwɛ sagsagɔ, ja saalǝm bwɨlangkɛl mʊnɔ a gola jotǝm dun Tɛlalɔɨ.’

Maajɨ Bɛtɔ Twamagɨɨ 8:21

Mɨ mwɛ mʊn wo a jʊ nɨ gǝm, jʊ a bwɨɨ, nǝl mʊnɔ mɨ dǝngdǝng a kǝga Kwaamaɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Afisa 6:5

Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.

1 Timoti 4:2

Nǝb nɨ mɛla kanjǝl nɨ lɛɨ jǝ maa lɛ na mɛlalɨ bɨlǝngkɛl jǝ mɛla lɛɨ, n fento, wʊnɨ nǝl jinɔ a bʊlam bʊlamɨ mǝ ja twɨ nǝn kemʌn shilo.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

Ibranii 10:1

Diil Musaɨ n duuli a dul kanjǝl bʊmɨ nɨ bɛ lɛ a kǝgaɨ. Duuli nɨ n ke bɔ kanjǝl bʊmɨ dul jin, jʊ a bwɨɨ mɨsɔ jǝg nǝbɔ lɛ a mʊgɔ bwɨlangkɛl a dul twamagɔ jǝ tǝla lɛ jol jǝbɔ joli.

Ibranii 10:19

Na gǝ na nyɨɨ, kɛtǝlam mɨ, tʊʊm Yesui a nǝ bǝn bɨtǝm nǝl nɨ bǝ dɔ Daa nɨ a Laa Sagsagɨ.

Ibranii 11:28

N gola nǝtǝm bɨlǝngkɛl a kɨla Dikulom Yabtǝmɔ, a wata tʊʊm yʊwalɔ a nyanga kanɨ, kage nʊ nɨ jʌbo bɛtɔ tɨkǝgagɔ lɛɨ a ke nǝbɔ Israilaɨ.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

Ibranii 6:11

Nǝn swɨ lɛ gwam jenɔ jǝ́ ja kǝga nǝn maatǝm maajɨ nyan nɨ yɔ lɛ nǝn a dɨltǝmɨ, sǝ jǝ́ nya jʊ nɨ jǝ́ ya nǝl woi.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

Ibranii 9:19

Nǝn kwama Musa sʊwam nǝbɔ kɛlɔ lɛ a diilɔ gǝm gwamɨ, nǝngɔ a dʊwa tʊʊm bɛl nɛɛgɔ jǝbɔ a bɨntɨnɔ, a mʊrka jǝbɔ mwɛmɔ, jǝbɔ lugo feligɔ, jǝbɔ kang tɨya izobɔ, nǝngɔ a wa langǝn bwangǝn borangɔ gǝm jǝbɔ nǝbɔ gwam.

Yakubu 1:6

Bɛ ga kel nǝn nǝtǝm bɨlǝngkɛl, mɨ nyǝmatǝm wo, jʊ a bwɨɨ, nǝ nyǝmatǝm gǝ na na mwɛ nɨ mʊla lɛ a wɨmaɨ, wʊnɨ yʊwagɔ gung lɛ yǝla lɛ nǝn gɔ kanga swɨm lɛɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.