Ibranii 10:21 - Dadiya NT

²¹ Na nɨ bǝ nǝngǝn nǝn gʌleng nǝkǝla nɨ a dul nǝbɔ a lɔ Kwaamaɨ,

Ibranii 10:21 ပူးပေါင်းရင်းမြစ်များ

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

1 Timoti 3:15

na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.