Ibranii 10:14 - Dadiya NT

¹⁴ Gǝ na a tǝlatǝm twama naa win, a yii nǝb nɨ ja buti ji sagsag mɨ dɨtǝm woi.

Ibranii 10:14 ပူးပေါင်းရင်းမြစ်များ

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 26:13

Fɔlɔgɔ, bɛ Kwaama a ta ń wo. Nǝn sɨmang kɔkɔ a gola, n kuwo kaa nyalǝm nɨ a laa nyalǝm kɔkɔgɨɨ a biyo a dʌbʌl, a kang ɨ jǝbɔ fatǝm yɔm mǝndɨɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Ibranii 10:1

Diil Musaɨ n duuli a dul kanjǝl bʊmɨ nɨ bɛ lɛ a kǝgaɨ. Duuli nɨ n ke bɔ kanjǝl bʊmɨ dul jin, jʊ a bwɨɨ mɨsɔ jǝg nǝbɔ lɛ a mʊgɔ bwɨlangkɛl a dul twamagɔ jǝ tǝla lɛ jol jǝbɔ joli.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 10:12

A Kiristii a tǝla twama kǝlǝmtǝm bwɨlangkɛlɔ naa win swar mɨ sʊtǝm wo. Nǝngɔ a yɨ a kang jajǝng Kwaamaɨ.

Ibranii 13:12

A na nyɔ Yesu tǝgǝn a nɔɔ gaalan a gul tuulɔ, sǝ a dǝg nǝbɔ a yǝlam sagsag nǝn tʊʊm gǝnɔ.

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.