Ibranii 10:1 - Dadiya NT

¹ Diil Musaɨ n duuli a dul kanjǝl bʊmɨ nɨ bɛ lɛ a kǝgaɨ. Duuli nɨ n ke bɔ kanjǝl bʊmɨ dul jin, jʊ a bwɨɨ mɨsɔ jǝg nǝbɔ lɛ a mʊgɔ bwɨlangkɛl a dul twamagɔ jǝ tǝla lɛ jol jǝbɔ joli.

Ibranii 10:1 ပူးပေါင်းရင်းမြစ်များ

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Kolosii 2:17

Kanjǝl nɨ n duuli nǝn kwan a jʊ nɨ bɛ lɛɨ. Kiristi nǝn gɔ na a nyagɨɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 7:11

Na na maajɨ nǝbkǝlamɔ a dʊʊm Lawii gǝ dǝg dǝg nǝbɔ a yii dǝngdǝngɨ, (ji nɨ ja yo diilɔ a kang jini), na la n wɛ bǝ saa lɛ tagɨ, kaa nǝkǝla jelkalǝng Malkisadiki, wʊnɨ jǝ nʊng lɛ a yɔ bɔ dǝngdǝng jǝbɔ dʊʊm Harunaɨ?

Ibranii 8:5

Jǝ maa maajɨgɔ a lɔ tǝlatǝm twama nɨ n jelkalǝng lɔ nɨ a dʌbʌli. N jʊ a bwɨ Kwaama a gʊ lɔl Musaɨ nǝn kwamagɔ maam fɛkalɨ mɔtǝm lɔ tǝlatǝm twamagɔ lɛɨ, a sʊwa gɔ, “Bɛ ń kaa lɔl mʊnɔ. Bɛ ń fɛka kanjǝlɔ a yɔ tʌgo kanga mǝ sʊwa ń a dʌbʌl yemi.”

Ibranii 9:11

A Kiristii a bɛ kǝngkɨɨ, n dalɨ nǝkǝla na kanjǝl nyan nɨ woi. A dɔ lɔ tǝlatǝm twama wʊnɨ a laa bʊmǝnɨ, wʊnɨ n ke bɔ maatǝm nǝfilii, n ke bɔ jǝ fwaltǝm na yooli nɨ.

Ibranii 9:23

N kanjǝl nɨ a yǝlam nyɔ jǝ butim kanjǝl nɨ lɛ a jelka kanjǝl nɨ a dʌbʌli. A kanjǝl nɨ a dʌbʌli jǝ buti ji nǝn tǝlatǝm twama nɨ a laa kanjǝl nɨ bʊmǝnɨ.

Ibranii 9:25

A dɔ bɔ a kwama sǝ a nǝ dul gǝnɔ jǝ twɨtǝm yulʌn kwangkwang kanga dalɨ nǝkǝlagɔ gǝ dɔ lɛ a Daa nɨ a Laa Sagsag a joli, sǝ a tǝla tʊʊm nɨ ke bɔ a gǝnɨ.