Ibranii 1:6 - Dadiya NT

⁶ Nǝn kwama Kwaama a bɛ nǝn bwɛ tɨkǝga gǝnɔ a yooli nɨɨ, nǝngɔ a sʊwa tag gɔ, “Gwam bɛtɔ twama Kwaamaɨ bɛ ja maa gǝm bǝlátǝm.”

Ibranii 1:6 ပူးပေါင်းရင်းမြစ်များ

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Kolosii 1:15

Nǝn gɔ n jelkalǝng Kwaama wʊnɨ mɨ bǝ kuwo lɛɨ. Nǝn gɔ a laa kanjǝlɔ gwam Kwaama a fwalɨ, dʊʊnɨ.

Kolosii 1:18

Nǝn gɔ n dul bʊtɔgɨɨ, mʊrkalɨ nǝb bwangtǝm Kwaamaɨ. Nǝn gɔ n jʌngi. Nǝn gɔ n bwɛ tɨkǝga a mʊgɔ nǝbɔ gun nɛ a bwaaɨ, sǝ a mʊgɔ kanjǝlɔ gǝm gwam nǝn gɔ a laa jii.

Ibranii 1:5

Nuwo a mʊgɔ bɛtɔ twama Kwaamaɨ, Kwaama a sʊwa gǝn wo gɔ, “Mɔ nǝn bʊla mɨɨ, dwiyen n yǝlam Tɛtɛ mʊɨ”? A yǝla a sʊwa wo tag gɔ, “N yǝlam Tɛtɛ mɔ, mɔ tǝmʊn ń yǝlam Bʊla mɨɨ”?

Ibranii 10:5

N jʊ a bwɨ, nǝn kwama Kiristi a dɔm yooligɨɨ a sʊwa gɔ, “Twɨtǝm yulʌn jǝbɔ tǝlatǝm twama mʊ swɨ bɔ. N bʊtɔ mʊ nɨ ɨ sǝ n tǝlam twama,

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

1 Yohana 4:9

N gola nɨ Kwaama a nʊng swɨtǝm gǝnɔ a daa bǝn woi: A twam Bʊla gɔ wʊnɨ win swar a yoolii sǝ bǝ nya kʊlɨ nɨ mɨ dɨtǝm woi a gola gǝn.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.