Galatiya 6:9 - Dadiya NT

⁹ Bɛ ka bʊtɔ bǝnɔ ya yʌb lɛ a maatǝm maajɨ nya. Na a lʊwa bǝn bɔ bǝ gɨyaɨ, kwamagɔ bɛ lɛ wo bǝ kʌso kʌso bwili.

Galatiya 6:9 ပူးပေါင်းရင်းမြစ်များ

Matta 10:22

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Matta 24:13

Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Matta 25:17

Nʊ nɨ a yo sʊwagɔ yo tǝgǝnɨ, ya nya bwiligɔ sʊwagɔ yo.

Matta 9:19

Yesu a gun a bwang gǝm jǝbɔ bɛtɔ mɛlalɨ gǝnɔ.

Markus 3:3

Nǝngɔ Yesu a jo nʊ nɨ kangɔ a swam swamɨ gɔ, “Bɛ ba tɨ fɔ a kǝga nǝbɨɨ.”

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 4:1

A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.

2 Korinti 4:16

Nǝn dem bɔ nǝl. Bʊtɔ nǝnɔ kala lɛ sul, kʊlɨ nǝnɔ kum jǝbɔ kum gǝ yǝlam a fɨ.

2 Korinti 9:6

Jǝ dʌngtǝmɔ n wɔ, nʊ nɨ a wa dʊʊmɔ dǝmɨ, kʌso nǝn dǝm nyɔ. Nʊ nɨ a wa dʊʊmɔ a ladaɨ, kʌso a lada nyɔ.

Afisa 3:13

A dul kɛl nɨɨ, mǝ kela jen nɛ ka jǝ́ gʊ lɛ nǝn gul a kuwotǝm gaalanɔ mǝ nɔɔ lɛ a kɛl dul jeni. Jʊ nɨ n dʊʊlǝn jen.

2 Tasalonikaɨ 3:13

Kambɔ, ka maajɨ nyanɔ ya lʊwa jen nɛ maatǝmɔ.

Ibranii 12:3

Bɛ jǝ́ dʌng nʊ nɨ a kʊ nǝl a kii nɨ nǝb bwɨlangkɛlɔ maa gǝm lɛɨ, kage a lʊwa jen jǝ́ dem nǝl.

Ibranii 12:5

Jǝ́ twabǝm kʊʊtǝm nǝl nɨ Kwaama a maa jem gɔ jǝ́ bɛtɔ lɔ gɨɨ ka? Wʊnɨ gɔ, “Bʊla mɨ, bɛ ka ń soga lɛ mwɛl Tɛlalɔɨ. Ka ń dem lɛ nǝl na mwɛ ń nɛɨ.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Yakubu 5:7

A dul kɛl nɨ kambɔ, jǝ́ yɨ yɨm kʊtǝm nǝl a yɔ nǝn a kwama Tɛlalɔ bɛm lɛɨ. Jǝ́ dʌng kʊtǝm nǝlɔ nǝ jʊngtǝm twamɔ gǝ maa lɛɨ, a yɔ nǝn a kwama nɨ twam gǝnɔ gǝ jǝgǝm dul lɛɨ. N kʊtǝm nǝl gǝ yam mwɛ kwala lɛ jǝbɔ mwɛ guli.

1 Bitrus 2:15

N jǝlatǝm Kwaamaɨ a gola maatǝm jǝ nya, jǝ́ mǝlǝm gola nǝb nɨ a swɛla swɛlaɨ.

1 Bitrus 3:17

Na n swɨtǝm Kwaamaɨ jǝ́ nɔɔ gaalanɨ, a bʊm nyɔ jǝ́ nɔɔ gaalan a dul maatǝm jǝ nya, a bʊm bɔ jǝ́ nɔɔ gaalan a dul maatǝm jʊ nɨ mɨ dǝngdǝngɨ.

1 Bitrus 4:19

A kɛl dul jʊ nɨɨ, nǝb nɨ a nɔɔ gaalan a dul jʊ nɨ Kwaama swɨ lɛ a bwɨɨ, bɛ ja dǝg kʊlɨ jinɔ a daagɔ nǝ yiitǝm swatǝm yaa jinɔ woi, nǝ fwaltǝm jinɔ, ja ja kǝga nǝn maatǝm jʊ nɨ dǝngdǝngɨ.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:3

N nyǝm mʊ nǝn kʊtǝm nǝl, mʊ nǝ bwatǝm nǝl a gaalan a kɛl dul mɨ, mɨ gǝ lʊwa ń nɛ.

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.