Galatiya 6:8 - Dadiya NT

⁸ Nʊ nɨ a kwal kwala a wɛl swɨtǝm nǝl gǝnɨ, nǝn gɔ yɔ lɛ nǝn gɔ a kʌsotǝm bwaaɨ. Nʊ nɨ a kwal kwala nɨ fulo Yʊwa Kwaamaɨ gǝm nǝl lɛɨ, nya nya kʌsotǝm kʊlɨ nɨ mɨ dɨtǝm woi.

Galatiya 6:8 ပူးပေါင်းရင်းမြစ်များ

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Luka 18:30

gaa nyatǝm jʊ nɨ lɛ a lada a kal nɨɨ. A kal nɨ bɛ lɛɨ, gǝ nya nya kʊlɨ nɨ mɨ dɨltǝm woi tag.”

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 4:36

Nǝ katǝmɔ nya nya ywatǝm, mʊr kanjǝlɔ lɛ wʊnɨ yɔ lɛ nǝn a kʊlɨ nɨ mɨ dɨtǝm woi. N jʊ a bwɨ nǝ kwaltǝmɔ jǝbɔ nǝ katǝmɔ jǝ maa fulotǝm nǝl lɛ dakinii.

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

Roma 8:6

Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.

1 Korinti 15:42

Na nyɔ tag a guntǝm bwaagɔ gǝm. Ja kwal ji nǝn bʊtɔ bʊtatǝm. Jǝ gun nǝn bʊtɔ nɨ mɨsɔ bʊta lɛ woi.

Galatiya 6:7

Ka ja swag jen nɛ. Mɨ jǝ mog Kwaama lɛ. Jʊ nɨ nǝl a kwalɨ, nǝn gɔ gǝ kʌso lɛɨ.

1 Timoti 1:16

Kwaama a ji bʊnǝn mǝndɨ, sǝ Yesu Kiristi a nʊng nǝbɔ kʊtǝm nǝl gǝnɔ jǝbɔ mɨɨ, mǝ nɨ mǝ laa ji bwɨlangkɛlɨ. A maa nyɔ sǝ n yǝlam jǝ nʊngtǝm a kaam nǝb nɨ nǝ bɨlǝngkɛl lɛ a daa gǝ woi, ja nya kʊlɨ nɨ mɨ dɨtǝm woi.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

Yakubu 3:18

Nǝb mʊrkatǝm yɨm kwamɨgǝnɔ nɨ a kwal a mʊgɔ yɨm kwamɨgǝnɨ, jǝ kʌso maajɨ dǝngdǝng.

2 Bitrus 2:12

Nǝb nɨ ja maa na yʊwal, mɨ ji nǝn bʊʊlalɨ. Jǝ bwangtǝn jʊ bʊtɔ jinɔ a sʊwa jii. Ja bʌ ji, sǝ ja ta ji ja jʌ. Jǝ sʊwa kanjǝl bwɨlan nɛ a dul jʊ nɨ ja nyǝm bɨɨ. Jǝ bʊla na yʊwal kuul.

2 Bitrus 2:19

Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

Dʊgam Nyangnyang 22:11

Bɛ nʊ nɨ maa jʊ nɨ lɛ a bʊm bɨɨ, a ja kǝga nǝn maatǝmɔ. Bɛ nʊ nɨ maa jǝ yaalɨ lɛɨ, a ja kǝga nǝn maatǝmɔ. Bɛ nʊ nɨ maa jʊ nɨ lɛ dǝngdǝngɨ, a ja kǝga nǝn maatǝmɔ. Bɛ nʊ nɨ n nǝ sagsagɨ, a ja kǝga nǝn yɨm sagsagɔ.”