Galatiya 6:2 - Dadiya NT

² Jǝ́ tɨkaka a mʊgɔ gaalan. Maatǝmɔ nyɨɨ, jǝ́ yii yii diil Kiristii.

Galatiya 6:2 ပူးပေါင်းရင်းမြစ်များ

Matta 8:17

Jʊ nɨ a bwɨ sǝ a yii kɛlɔ ja sʊwa a nyiyo nǝkuwotǝmkǝga Ishayaɨ gɔ, “A dem bɔɔlatɨn bǝnɔ, a jǝgǝm twɨlatɨn bǝnɔ.”

Luka 11:46

Nǝngɔ Yesu a gar gǝm gɔ, “N mwɛ jen tʌjen, jǝ́ nǝb mɛlalɨ diilɔ. Jǝ́ ya nǝbɔ gǝm kanjǝl nɨ a tuu tuui, jen nǝn dul jen jǝ́ ke bɔ kanjǝl nɨ wo nǝn bawuli kang, sǝ jǝ́ tɨka ji.

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

Yohana 15:12

Diil mǝndɨ n wɔ, bɛ jǝ́ swɨka kanga mǝ swɨm jeni.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 9:21

A daagɔ nǝb nɨ mɨ a mʊgɔ diili, n yǝlam na nʊ nɨ mɨ a mʊgɔ diili, jʊ a bwɨɨ sǝ n gʊ nǝb nɨ mɨ a mʊgɔ diili a daa Kiristi woi. Mǝ sʊwa bɔ mǝʊ mɨ kaa diil Kwaamaɨ nɨ wo nǝngǝn nǝn kwaan a dul mɨɨ. Mɨ nyɔ. Diil Kiristii gǝ na a dul mɨ.

Galatiya 6:5

Bɛ gwam jenɔ win win jǝ́ do kʊlǝn jenɔ.

1 Tasalonikaɨ 5:14

Nǝn kel jen kambɔ, jǝ́ gʊ nǝb sʊlagɔ gǝm lɔl. Jǝ́ kʊʊ nǝb nɨ mɨ nǝn kwamǝn nǝlɨ gǝm nǝl. Jǝ́ tɨka nǝbɔ a gɨyaɨ. Jǝ́ kʊ nǝl jǝbɔ nǝbɔ gwam.

Yakubu 1:25

A nʊ nɨ a dǝg bʊʊlalɨ gǝnɔ a diil nɨ bɛ lɛ nǝn jǝgtǝm nyanɨ, a ja kǝga nǝn maatǝmɨ, ke bɔ nʊ nɨ nyʊwa lɛ a yǝla a twabǝmɨ, maa lɛɨ, nya nya bwili a mʊgɔ kanjǝl nɨ gǝ maa lɛ gwamɨ.

Yakubu 2:12

Bɛ kɛl jenɔ jǝbɔ maajɨ jenɔ a nʊng jǝ́ nǝb nɨ jǝ maa jem borang lɛ a dul diil nɨ nǝ jen jǝgtǝm dul lɛɨ.

Yakubu 2:8

Bʊm bʊm na jǝ́ bwangtǝn diil fɔlɔn lɔ Kwaamaɨ, wʊnɨ ja mʊla a mʊgɔ mʊlalɨ kɛl Kwaamaɨ sʊwa lɛ gɔ, “Bɛ swɨ fwalɨ yɨm mʊnɔ na dul mʊnɔ.”

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

2 Bitrus 2:21

A laa jim jǝl na ja nyǝm bɔ gola dǝngdǝngɔ wo nǝn tɨkǝgaɨ, na nǝn gul ja nyǝmɨ nǝngɔ la ja yǝla ja bǝla diil sagsag wʊnɨ ja nǝ jii.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

1 Yohana 4:21

Wʊnɨ nǝn gɔ diilɔ bǝ nya a daa gǝ woi gɔ, nʊ nɨ swɨ Kwaama lɛɨ, bɛ ga swɨ kɨla gɔ tag.