Galatiya 6:12 - Dadiya NT

¹² Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.

Galatiya 6:12 ပူးပေါင်းရင်းမြစ်များ

Matta 23:27

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jelka tuutɨn nɨ nyɔ ja waatǝn gwaal fulo tʌgoi, ja fulo a bʊm nyɔ a yooli, mʊgɔ gǝnɔ n kuto nǝb nɨ a bʊlala bʊlalaɨ, jǝbɔ duto nǝn dʌmʌn.

Matta 23:28

Jǝ́ na nyɔ tʌjen, nǝbɔ kuwo jen nɛ a yooli maamɔ jǝ́ nǝb dǝngdǝng. Mʊgɔ bʊtɔ jenɔ n kɛl fento jǝbɔ maatǝm bwɨlan.

Matta 23:5

“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.

Matta 5:10

Bwiligɔ na a nǝb nɨ nyʊwa gaalan nɛ a dul jʊ jʊ nɨ dǝngdǝngɨ, jʊ a bwɨɨ fɔlɔn lɔ Kwaamaɨ na a ji.

Matta 6:16

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Matta 6:2

Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

Matta 6:5

“Na jǝ́ maa keli lɛɨ, ka jǝ́ maa lɛ keli kanga nǝb fentogɔ gǝ maam lɛɨ, jʊ a bwɨɨ jǝ swɨ lɛ ja tɨ tɨɨ sǝ ja maa keli a mʊgɔ kan mɛlalɨ jǝbɔ daltɔ golantɨn, sǝ nǝbɔ a kuwo ji. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ.

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Luka 20:47

N nǝbɔ ja kʊla nɔɔtǝmkʊlabɨ lɛɨ. Jǝ maa keligɔ a som nyɔ sǝ nǝbɔ a sʊwa gɔ jǝ nǝb sagsag. N nǝbɔ jǝ mwɛ ji lɛ a bʊwa a shiloi.”

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Maajɨ Bɛtɔ Twamagɨɨ 15:1

Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”

Maajɨ Bɛtɔ Twamagɨɨ 15:5

Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”

2 Korinti 10:12

Na nǝn nǝn wo nǝn mʊrka dul nǝnɔ lɛ jǝbɔ kaam nǝb nɨ gung dul lɛɨ? Nǝn la bɔ nyɔ nǝn mʊrka dul nǝnɔ jǝbɔ nǝb nɨ gung dul lɛɨ! Nǝb nɨ n nǝbɔ gǝ sʊwa dul jinɔ lɛ a kʊm jini, jǝ mʊrka dul jinɔ lɛ a kʊm jin tagɨ, mɨ ji nǝn yʊlan.

2 Korinti 11:13

Nǝb gɔ n bɛtɔ twama gabakɛl, n nǝb maajɨ swagtǝm. Jǝ yǝla nǝn dul jinɔ maamɔ jǝ bɛtɔ twama Kiristii.

Galatiya 2:14

Nǝn kwama mǝ kuwo jǝ maa jǝ jinɔ lɛ mɨ a mʊgɔ bɨlǝngkɛl fulon kɛl lǝmɨɨ, nǝngɔ mǝ sʊwa Bitrus a kǝga nǝbɨɨ gwam mǝʊ, “Mʊ nɨ mʊ bwɛ Yahudaɨ, mʊ bwangtǝn jǝfʊlǝn Bʌtʌbi lɛ. Kǝngkɔ mʊ dǝg Bʌtʌbɔ nǝn kwaan sǝ ja bwangtǝn jǝfʊlǝn Yahudawagɨɨ ka?”

Galatiya 2:3

Titus fwalɨ yɔm mǝndɨ wʊnɨ n bwɛ Girikaɨ, mɨ nʊ nɨ a dǝg gǝn nǝn kwaan gɔ a biyo mwɛnɨ.

Galatiya 5:11

Kambɔ, na na kǝngkɔ mǝ sʊwa lɛ mǝʊ bɛ nǝbɔ a biyo mwɛnɨ, n wɛ a bwɨ kǝngkɔ jǝ nɨ ɨ gaalan nɛɨ? Na na mǝ nǝ bwatǝm duul lɛ a biyotǝm mwɛnɔ gǝmɨ, na kɛl mǝndɨ a dul bwaa Kiristii a dʌbʌl tɨya kʊʊtǝmɨ, mɨsɔ na yǝlam jǝ fǝtǝm naa lɛ a daagɔ nǝbɔ woi gwam!

Galatiya 6:13

Nǝb nɨ jǝ maa jim biyotǝm mwɛnɨ, mɨ jǝ kɨla diil Musaɨ lɛ. N swɨtǝm jin gɔ jǝ biyo jem mwɛn, sǝ jǝ maa sʊtɔ nǝn jen gɔ jǝ biyo jem mwɛn.

Filibii 1:15

Kaamɨ gǝ kiyo kɛl Kiristii a kɛl nungon jǝbɔ bangakatǝm. Kaamɨ gǝ kiyo a gola nyan.

Filibii 2:4

Bɛ ka jǝ́ ya lɛ kaa maajɨ dul jen a kǝga. Bɛ ya jǝ́ maaka tɨkalɨ lɛ.

Filibii 3:18

N sʊwa jen naagɔ a lada, kǝngkɔ mǝ sʊwa jen nɛ tag nǝn mwɛ num, nǝbɔ a lada yɨm jinɔ maamɔ nǝb kiim tɨya kʊʊtǝm Kiristii.

Kolosii 2:23

Diiltɨn nɨ maamɔ bɨlǝngǝn, gǝ nʊng yʊlan, gǝ dǝg bǝlátǝm nǝn kwaan, gǝ dǝg shigtǝm dul na kwaan, gǝ dǝg nǝtǝm bʊtɔgɔ gaalan. Diiltɨn nɨ mɨsɔ tɨ lɛ nǝn nǝl a maatǝm kanjǝl bwɨla nɨ bʊtɔ gǝnɔ swɨ lɛ a maaɨ.