Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”
Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.
Kambɔ, na na kǝngkɔ mǝ sʊwa lɛ mǝʊ bɛ nǝbɔ a biyo mwɛnɨ, n wɛ a bwɨ kǝngkɔ jǝ nɨ ɨ gaalan nɛɨ? Na na mǝ nǝ bwatǝm duul lɛ a biyotǝm mwɛnɔ gǝmɨ, na kɛl mǝndɨ a dul bwaa Kiristii a dʌbʌl tɨya kʊʊtǝmɨ, mɨsɔ na yǝlam jǝ fǝtǝm naa lɛ a daagɔ nǝbɔ woi gwam!
Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.
Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.