Galatiya 5:11 - Dadiya NT

¹¹ Kambɔ, na na kǝngkɔ mǝ sʊwa lɛ mǝʊ bɛ nǝbɔ a biyo mwɛnɨ, n wɛ a bwɨ kǝngkɔ jǝ nɨ ɨ gaalan nɛɨ? Na na mǝ nǝ bwatǝm duul lɛ a biyotǝm mwɛnɔ gǝmɨ, na kɛl mǝndɨ a dul bwaa Kiristii a dʌbʌl tɨya kʊʊtǝmɨ, mɨsɔ na yǝlam jǝ fǝtǝm naa lɛ a daagɔ nǝbɔ woi gwam!

Galatiya 5:11 ပူးပေါင်းရင်းမြစ်များ

Maajɨ Bɛtɔ Twamagɨɨ 16:3

Bulus a swɨ Timoti ya ywa gǝn. N kɛl dul jʊ nɨ a do gǝn, a biyo gǝm mwɛnɨ, jʊ a bwɨɨ, Yahudawagɔ a daagɔ gwamɨ, ja nyǝm tɛtɛ gɔ n Bwɛ Girika.

Maajɨ Bɛtɔ Twamagɨɨ 21:21

Ja sʊwa ji fulon kɛl mʊnɔ gɔ mʊ mɛla Yahudawagɔ gǝm lɛ gwam a kʊm Bʌtʌbi, ja bǝla diil Musaɨ. Mɔ ka ja biyo lɛ bɛtɔ lɔ ji gǝm mwɛn, ka ja bwangtǝn nɛ jǝfʊlǝn bǝnɔ.

Maajɨ Bɛtɔ Twamagɨɨ 21:28

Jǝ gaba wulong lɛ jǝ sʊwa lɛ gɔ, “Kambɔ, nǝbɔ Israilaɨ, jǝ́ tɨka nǝn! N nʊ nɨ bwangtǝn daatɨnɔ lɛ soga nǝbam bǝnɔ lɛ, jǝbɔ diil bǝnɨ, jǝbɔ Kan Kwaaman bǝnɨ. A bɛ nǝn kaam nǝbɔ Girikaɨ a mʊgɔ Kan Kwaaman. A kal daa sagsagɔ.”

1 Korinti 1:18

Kɛl kʊʊtǝmɔ, n kɛl fʌmʌn a nǝb nɨ a gola kalatǝmɨ. N kwaan Kwaamaɨ a daa bǝn woi, bǝn nɨ ja bʊʊ nǝn bǝnɨ.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

1 Korinti 15:30

Na gǝ na nyɨɨ, n wɛ a bwɨ nǝn dǝg dul nǝnɔ lɛ a bwaa kwangkwangɨ?

Galatiya 2:3

Titus fwalɨ yɔm mǝndɨ wʊnɨ n bwɛ Girikaɨ, mɨ nʊ nɨ a dǝg gǝn nǝn kwaan gɔ a biyo mwɛnɨ.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Galatiya 4:29

Kanga nɨ galɨgǝn, gǝ nɨ ja bʌ gǝn a gola bʌl nyanɨ, a nǝ gaalan a nʊ nɨ ja bʌ a dul kwaan Yʊwaɨ, gǝ na nyɔ kǝngkǝnɨ tag.

Galatiya 6:12

Nǝb nɨ swɨ lɛ a dǝg jen biyotǝm mwɛn nǝn kwaanɨ, jǝ swɨ lɛ ja kuwo ji jǝ kaa jǝl a kǝga nǝbɨɨ. Jʊ a bwɨ jǝ maa jem lɛ nyɨɨ, jǝ mwal nyʊwatǝm gaalan nɨ jǝ maa jim lɛ a dul kʊʊtǝm Kiristii.

Galatiya 6:17

A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.