Galatiya 5:1 - Dadiya NT

¹ Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Galatiya 5:1 ပူးပေါင်းရင်းမြစ်များ

Matta 23:4

Ja ya nǝbɔ gǝm kanjǝl tuulo nɨ a laa kwaan dotǝm nǝbɨɨ, ja tɨka bɔ nǝbɔ gungtǝm gǝnɔ.

Luka 5:38

Bʊgɛ fɨgɔ jǝ tal a sʊwa fɨ!

Maajɨ Bɛtɔ Twamagɨɨ 15:10

“Na gǝ na nyɨɨ, wɛ a bwɨ jǝ́ tɛl Kwaama lɛɨ? Wɛ a bwɨ jǝ́ ya nǝb bwangtǝm nɨ gǝm kanjǝl nɨ lɛ a tuu tuui, wʊnɨ bǝn jǝbɔ tʊgalam bǝnɔ mɨsɔ bǝ dwal lɛ bǝ doi?

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Roma 6:18

Ja jǝgǝm jen jǝgǝmɨ a mʊgɔ maatǝm bwɨlangkɛl. Jǝ́ yǝlam jwaalɛb nɨ dǝngdǝngɨ.

Roma 7:3

Na bwɨla gɔ wo nǝn kʊlɨɨ, na ga naa kaa nǝlɨ, ga maa bulon. Na bwɨla gɔ a bʊlaɨ, ga jelʌm a diil naakan. Na ga naa kaa balɨ, gǝ ke bɔ nǝ bulon.

Roma 7:6

N wɔ kǝngkɔ bǝ nya yɨm dul. Bǝ bʊla bʊlaɨ a diil nɨ galɨgǝn a bwa bǝnɨ. A kǝngkɔ bǝ dwal bǝ maa maajɨ Kwaamaɨ lɛ nǝn yɨm fɨ a gola Yʊwa Kwaamaɨ. Ke bɔ a mʊgɔ mʊlalɨ diiltɨn galɨ.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.

2 Korinti 11:20

Na kaa nǝl a dǝg jen jwaalɛnɨ, na a yo jǝ jen nǝn kwaanɨ, na a ja jeni, na a nʊng jen gɔ gǝ laɨ, na a jǝga jen a kǝgaɨ, jǝ́ kʊ nǝl.

2 Korinti 3:17

Tɛlalɔ nǝn gɔ n Yʊwaɨ. A daa nɨ Yʊwa Tɛlalɔɨ woi, n daa nyatǝm yɨm dul woi.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Galatiya 3:25

Kǝngkɔ nǝtǝm bɨlǝngkɛlɔ a bɛɨ, mɨ bǝn nǝn yɨm wo a mʊgɔ diil tag.

Galatiya 4:26

Urushalima dʌbʌlɔ, n yɨm dul gǝn. Nǝn gɔ tag nǝn nɛnɛ bǝnɨ.

Galatiya 4:31

Gǝ na nyɔ kambɔ, bǝn bǝ ke bɔ bɛtɔ lɔ bwɛn jwaalɛ nɨ. Bǝ na a nɔɔlɨ nɨ nǝn yɨm duli.

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Afisa 6:14

Jǝ́ tɨ nǝn kwaan. Bɛ bɨlǝngkɛlɔ a yǝlam tafɨya jen. Bɛ maajɨ dǝngdǝngɔ a yǝlam bɛllɛ kemʌn jen.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

1 Tasalonikaɨ 3:8

Kǝngkɔ nǝl nǝnɔ a yʌb, na jǝ́ tɨm nǝn kwaan a mʊgɔ Tɛlalɔɨ.

2 Tasalonikaɨ 2:15

A na nyɔ kambɔ, bɛ jǝ́ tɨ a kwam, jǝ́ ta diiltɨn nɨ nǝn mɛla jemi gwanggwang, a nyiyo jǝbɔ mʊlalɨ.

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

2 Bitrus 2:19

Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Dʊgam Nyangnyang 2:25

Bɛ jǝ́ ta jʊ jǝ́ nǝngǝnɨ gwanggwang, sǝ ba la nǝn kwama mǝ bɛm lɛɨ.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.