Galatiya 4:26 - Dadiya NT

²⁶ Urushalima dʌbʌlɔ, n yɨm dul gǝn. Nǝn gɔ tag nǝn nɛnɛ bǝnɨ.

Galatiya 4:26 ပူးပေါင်းရင်းမြစ်များ

Yohana 8:36

Na Bwɛ a jǝg jeni, jǝ́ nya nya bɨlǝng jǝgtǝm.

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Roma 6:18

Ja jǝgǝm jen jǝgǝmɨ a mʊgɔ maatǝm bwɨlangkɛl. Jǝ́ yǝlam jwaalɛb nɨ dǝngdǝngɨ.

Galatiya 4:22

A mʊla mʊlaɨ sʊwa lɛ gɔ, Ibrahim nǝngǝn nǝn bɛtɔ batǝnɔ yo. Wini na a bwɛn jwaalɛgɨɨ, a wini na a nɔɔlɨ nɨ a mʊgɔ yɨm dul gǝnɨ.

Galatiya 4:25

Hajaratu gǝ nʊng Yem Sinai a tǝm Larabawagɨɨ. Nǝn gɔ nʊngtǝm Urushalima a kǝngkɨɨ, jʊ a bwɨɨ gɔ jǝbɔ bɛtɔ lɔ gɨɨ jǝ jwaalɛb.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

Ibranii 12:22

A jenɔ jǝ́ bɛ, jǝ́ la Yem Sihiyonagɔ jǝbɔ Urushalima dʌbʌl kwamagɔ, tuulɔ Kwaama kʊlɨɨ. Jǝ́ bɛ a daagɔ bɛtɔ twama Kwaamaɨ, fʊlkʊblǝntɨn a mʊrka a mʊgɔ nyʊwatǝm fulotǝm nǝlɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

Dʊgam Nyangnyang 12:1

Nǝngɔ ja kuwo kaa jǝ laatǝm kang a dʌbʌl kwamaɨ. Kaa nɔɔlɨ a kwab bʊtɔ gǝnɔ nǝn nu kwamagɔ, tɨm a dʌbʌl bwaala. Nǝngǝn nǝn dwang dul nɨ nǝn nyanyamɨtɨnɔ kʊb jeli yo a dul gǝnɨ.

Dʊgam Nyangnyang 17:5

A tɛkǝga gǝnɔ gǝm jǝ mʊla dun nɨ ja yʊ yʊɨ gɔ, GɅLENG BABILA, NƐNƐ NƆƆTƏM KALALƗƗ JƏBƆ NƐNƐ BWƗLANG KANJƏL NƗ A YOOLII.

Dʊgam Nyangnyang 21:2

N kuwo Tuulɔ Sagsagɔ, Urushalima fɨgɔ gǝla lɛ a dʌbʌl kwama, a daa Kwaama woi. A fɛka na nɔɔgwaalɨ nǝn dʊʊl sǝ bwɨla gɔ a kuwo gǝn.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.