Galatiya 4:19 - Dadiya NT

¹⁹ Jǝ́ bɛtɔ lɔ mɨɨ dwalǝnɔ, mǝ yǝla mǝ nɔɔ nɔɔ gaalan a dul jen na nɔɔlɨ nɨ bʌ bʌl lɛɨ, ba la nǝn a kwama nɨ jǝ́ yǝlam lɛ na Kiristii!

Galatiya 4:19 ပူးပေါင်းရင်းမြစ်များ

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Afisa 4:13

Jʊ nɨ nǝn gɔ ja kǝga lɛ ba la nǝn bǝn a mʊrkalɨ win a nǝtǝm bɨlǝngkɛl a Bʊla Kwaamaɨ, jǝbɔ nyǝmtǝm gǝnɨ, bǝ yǝlam nǝfitʌm dangǝn, bǝ yǝlam nǝn yiitǝm na Kiristi.

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Afisa 4:24

Bɛ jǝ́ do kanjǝl fɨ nɨ ja fwal jen nǝn na a Kwaamaɨ a mʊgɔ dǝngdǝng jǝbɔ sagsag.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Kolosii 3:10

Jǝ́ do nǝl fɨ, wʊnɨ ja fʌto a jelkalǝng Nǝ Fwaltǝmɨ, sǝ jǝ́ nyǝm gǝn dangǝn.

Filibii 2:5

Bɛ jǝ́ maa bʊʊlalɨ na a Yesu Kiristii a maaɨ,

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

Filimon 1:10

Mǝ kela ń nɛ a kɛl dul bʊla mɨ Onisimusi, wʊnɨ mǝ yǝlam tɛtɛ gɔ nǝn kwama ja bwa ɨ a lɔsomii.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 2:1

Mǝ swɨ lɛ jǝ́ nyǝm dɔtatǝm nɨ mǝ dɔta lɛ a kɛl dul jeni, jǝbɔ nǝb nɨ a Lawudikiyaɨ, jǝbɔ nǝb nɨ ja kuwo i bɔ woi kǝga jǝbɔ kǝgaɨ.

Filibii 2:17

Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Filibii 1:8

Kwaama a nyǝm n swɨ jen na swɨtǝmɔ Kiristi Yesu maa jem lɛɨ.

1 Yohana 5:21

Jǝ́ bɛtɔ dwalǝn mǝndɨ, bɛ jǝ́ tɨ a kʊta kʊtaɨ jǝbɔ shomɔ.

1 Yohana 2:12

Jǝ́ bɛtɔ dwalǝn mǝndɨ, mǝ mʊla jem lɛ, jʊ a bwɨɨ, Kwaama a kǝlǝm jem bwɨlangkɛl jenɔ a kɛl dun Yesui.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

Ibranii 5:7

Yesu nǝn kwama yɨm gǝnɔ a yoolii, a maa kelitɨn jǝbɔ jitǝm wi nǝn kwaan nǝn mwɛ num. A maa nyɔ a nʊ nɨ nǝn fɔlɔn bʊʊ lɛ nǝn gɔ a bwaaɨ. A nyʊwa keli nɨ ga maa nǝn shigtǝm duli.

Titus 1:4

Langǝn bwangǝn nɨ mǝ mʊlam Titus, bwɛ nya mǝndɨ a gola nǝtǝm bɨlǝngkɛl bǝnɨ. Bɛ lǝma jǝbɔ yɨm kwamɨgǝn a Kwaama Tɛtɛɨ, jǝbɔ a Kiristi Yesu Nǝbʊʊlɨ bǝnɨ a yɨ a daa mʊ woi.

Filimon 1:19

Nǝmǝ mǝ Bulus, mǝ mʊla mʊn jʊ nɨ lɛ nǝn kang mɨɨ. Mǝ yǝla mǝ ywa ń ywa ń. Mɨsɔ mǝ sʊwa lɛ mǝʊ mǝ bwang mʊn naan kʊlɨgɔ lɛ mʊ nya a kang mɨɨ.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

Luka 22:44

Jʊ nɨ gɔ a mʊgɔ gaalan dangǝnɨ, a sʊtǝn keligɔ, mɨbamɔ jel lɛ a bʊtɔ gǝn na tʊʊm tǝla lɛ a tǝm.

2 Korinti 12:14

Kǝngkɔ n maa fɛkalɨ yɔtǝm a daa jen woi, yɔtǝm na taal. Mɨsɔ mǝ ya jem tuulo lɛ, jʊ a bwɨɨ n ke bɔ jǝ jen mǝ saa lɛɨ, nǝjen mǝ saa lɛɨ, jʊ a bwɨɨ ke bɔ bɛtɨ gǝ do tuulo tɛtǝlam jinɔ lɛɨ, n tɛb gǝ do tuulo bɛtɨ lɛɨ.

1 Tasalonikaɨ 2:7

Nǝn dʌng jen nɛ kanga nɛ bwɛ gǝ dʌngʌm bɛtɔ lɔ gɨɨ lɛɨ.

3 Yohana 1:4

Mɨ jʊ nɨ wo a laa mɨ fulotǝm nǝl n nyʊwa gɔ, bɛtɔ lɔ mɨɨ bwangtǝn bɨlǝngkɛlɔ lɛ.