Galatiya 4:18 - Dadiya NT

¹⁸ A bʊm nyɔ bǝ nʊng swɨtǝm, na gǝ na gola nyanɨ. Bɛ a yǝlam nyɔ kwangkwang. Ka yǝlam lɛ nǝn kwama mǝ dakini nǝbɔ jeni kwaagɔ.

Galatiya 4:18 ပူးပေါင်းရင်းမြစ်များ

Yohana 2:17

Jʊ nɨ a bwɨ nyɨɨ, nǝngɔ bɛtɔ mɛlalɨ gǝnɔ a bʊʊla nǝn daa langǝn bwangǝnɔ a sʊwa gɔ, “Swɨtǝm nɨ mǝ maa lɔ mʊnɔ gǝm lɛɨ, twɨ ɨ lɛ a mʊgɔ nǝl na kǝla.”

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Galatiya 4:13

Jǝ́ nyǝm twɨla nɨ mǝ maaɨ, nǝn gɔ a bɛ nǝn gola tɨtǝm mǝndɨ a daa jen woi, mǝ bɛ jem nǝn fulon kɛl lǝmɨ nɨ nǝn tɨkǝgaɨ.

Galatiya 4:17

Nǝb nɨ swɨ lɛ a nʊng jen swɨtǝmɨ, ke bɔ jʊ a nǝl jini. Jǝ swɨ lɛ jǝ wʊlaka kʊm jenɔ jǝbɔ nǝn, sǝ jǝ́ swɨ jii.

Galatiya 4:20

N swɨ n na nǝbɔ jen kǝngkɔ, sǝ n fʌto diil mǝndɨ, jʊ a bwɨɨ n nya komtǝm a kɛl dul jen.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Dʊgam Nyangnyang 3:19

“Nǝbɔ mǝ swɨ lɛɨ, n nǝbɔ mǝ gʊ jim lɔl lɛɨ, n nǝbɔ mǝ mwɛ ji lɛɨ. Maa kwaan bʊtɔ, ń yǝla ń bǝla bwɨlangkɛl mʊnɔ.