Galatiya 4:17 - Dadiya NT

¹⁷ Nǝb nɨ swɨ lɛ a nʊng jen swɨtǝmɨ, ke bɔ jʊ a nǝl jini. Jǝ swɨ lɛ jǝ wʊlaka kʊm jenɔ jǝbɔ nǝn, sǝ jǝ́ swɨ jii.

Galatiya 4:17 ပူးပေါင်းရင်းမြစ်များ

Matta 23:15

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ yab wɨma, sǝ jǝ́ la tǝmtɨn nɨ a kʊtaɨ sǝ jǝ́ nya nǝ bwangtǝm win. Na jǝ́ nya gǝnɨ, jǝ́ dǝg gǝn a dɔtǝm mʊgɔ lɔ kǝla nɨ a shilo a kwaba a jeni.

Roma 10:2

N nǝ nyiyo a dul jin, ja nǝ dul jinɔ a bwangtǝm Kwaamaɨ sul, ja nyǝm bɔ gola nyanɔ.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

1 Korinti 4:18

Kaamɨ gung dul lɛ maamɔ mɨsɔ mǝ bɛ lɛ a daa jen woi.

1 Korinti 4:8

Kɛ jǝ́ kwɛl jǝ́ nya jʊ jǝ́ swɨ lɛɨ! Kɛ jǝ́ kwɛl jǝ́ yǝlam nǝb shiloi! Kɛ jǝ́ kwɛl jǝ́ yǝlam fɔlɔlɔm ke bɔ jǝbɔ nǝnɨ! Mǝ ya nǝl lɛ mǝʊ jǝ́ yǝlam fɔlɔlɔm, sǝ nǝn yǝlam fɔlɔlɔm nǝbɔ jen!

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Galatiya 4:16

N yǝlam nǝ kii jen kanga mǝ sʊwa jen bɨlǝngkɛlɨ ka?

Galatiya 4:18

A bʊm nyɔ bǝ nʊng swɨtǝm, na gǝ na gola nyanɨ. Bɛ a yǝlam nyɔ kwangkwang. Ka yǝlam lɛ nǝn kwama mǝ dakini nǝbɔ jeni kwaagɔ.

Filibii 2:21

Tangǝn jinɔ n maajɨ jin ja ya a kǝga jin jǝ maa lɛɨ. N ke bɔ maajɨ Yesu Kiristii.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 2:3

Nǝb mɛlalɨ gabakɛl nɨɨ, nǝb wɛl. Jǝ swag jen swag nǝn fulon kɛltɨn nɨ ja fɛkaɨ. Ja kwɛl ja mwatɨ jim mwatɨ borangɔ. Nʊ nɨ dǝg ji lɛ a lɔ kǝlaɨ, yam ji lɛ.