Galatiya 3:23 - Dadiya NT

²³ Nǝn kwama nɨ bǝ nǝ bɔ bɨlǝngkɛl a daa Yesu woi, diil nɨ a kubʌl bǝn ba la nǝn kwama nǝtǝm bɨlǝngkɛlɔ ba jelʌmi.

Galatiya 3:23 ပူးပေါင်းရင်းမြစ်များ

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Roma 11:32

Kwaama a kubʌl kubʌli nǝbɔ gwam a kɔtǝm bwangtǝm gǝn sǝ a ji bʊnǝn a dul jin gwam.

Roma 3:19

Bǝ kwɛl bǝ nyǝm nyǝmɨ jʊ nɨ gwam diilɔ a sʊwaɨ, gɔ a yɔ nǝn nǝb nɨ a mʊgɔ gǝnɨ, jʊ a bwɨɨ sǝ a tɨ nǝn tabatǝm fɨɨ nǝbɨɨ, sǝ yooli nɨ gwam a nyǝm jǝ na a mʊgɔ borang Kwaamaɨ.

Galatiya 3:19

N wɛ a bwɨ Kwaama a nǝ diili? A sʊ diilɔ sǝ a nʊng jʊ nɨ n bwɨlangkɛlɨ a talɨ, sǝ a yɔ nǝn a kwama nɨ dʊʊm Ibrahimi bɛm lɛɨ, wʊnɨ n dul gǝn a maa swatǝm yaa nɨɨ. Diil nɨ bɛtɔ twama Kwaamaɨ a nǝ Musa, nʊ nɨ a tɨbǝl Kwaamaɨ jǝbɔ nǝbɨɨ.

Galatiya 4:21

Bɛ jǝ́ sʊwa ɨ, jen nɨ jǝ́ swɨ lɛ jǝ́ bwangtǝn diil Musaɨ, jǝ́ nyʊwa bɔ jʊ diil Musaɨ a sʊwaɨ ka?

Galatiya 5:18

Na Yʊwagɔ yɔ lɛ nǝn jeni, diilɔ mɨ nǝn kwaan a dul jen.

Ibranii 11:13

Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.