Galatiya 3:22 - Dadiya NT

²² Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.

Galatiya 3:22 ပူးပေါင်းရင်းမြစ်များ

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Yohana 12:46

Mǝ bɛ na nyalǝm a mʊgɔ yooli nɨ, sǝ nʊ nɨ gwam nǝ bɨlǝngkɛl lɛ a daa mɨ woi, a yɨ bɔ a mʊgɔ kumtojili.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Maajɨ Bɛtɔ Twamagɨɨ 16:31

Nǝngɔ ja sʊwa gɔ, “Nǝ bɨlǝngkɛl nǝn Tɛlalɔ Yesu, mʊ nya nya bʊʊtǝm, mɔ jǝbɔ nǝbɔ lɔ mʊnɔ.”

Roma 10:9

Na ń sʊwa nǝn nyiyo mʊn mɔʊ Yesu nǝn Tɛlalɔɨ, ń nǝ bɨlǝngkɛl a nǝl mʊn mɔʊ Kwaama a gung gǝn a bwaaɨ, mʊ nya nya bʊʊtǝm.

Roma 11:32

Kwaama a kubʌl kubʌli nǝbɔ gwam a kɔtǝm bwangtǝm gǝn sǝ a ji bʊnǝn a dul jin gwam.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Roma 3:23

Jʊ a bwɨɨ nǝfitʌmɔ gwam a maa bwɨlangkɛl, ja gɨya tag a dʊʊlǝn Kwaamaɨ.

Roma 5:12

Kanga bwɨlangkɛlɔ a dɔ yooligɔ a gola nǝl wini, bwɨlangkɛl nɨ nǝn gɔ a bɛ nǝn bwaaɨ, n jʊ a bwɨ bwaagɔ a yǝlam kʊla nǝbɨɨ gwamɨ, jʊ a bwɨɨ pʌd bǝ maa bwɨlangkɛl.

Galatiya 3:14

A jǝg bǝn sǝ bwili nɨ Kwaama a maa Ibrahim gǝmɨ, a bɛ Bʌtʌbɔ gǝm a gola Yesu Kiristii, sǝ bǝn a gola nǝtǝm bɨlǝngkɛl bǝ nya nya Yʊwa Kwaamaɨ nɨ Kwaama a swam yaaɨ.

Galatiya 3:17

Jʊ mǝ swɨ lɛ n sʊwaɨ, nǝn gɔ diil nɨ ja bɛ nǝn a gul jolɔ fʊlkʊb naal jǝbɔ fʊtǝtaalɨ, mɨsɔ fʌto swatǝm yaa nɨ lɛ Kwaama a maaɨ a kala nǝn kwan.

Galatiya 3:23

Nǝn kwama nɨ bǝ nǝ bɔ bɨlǝngkɛl a daa Yesu woi, diil nɨ a kubʌl bǝn ba la nǝn kwama nǝtǝm bɨlǝngkɛlɔ ba jelʌmi.

Galatiya 3:29

Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.

2 Bitrus 3:13

A swatǝm yaa gǝnɨ, bǝ yam dʌbʌl fɨ jǝbɔ tǝm fɨ. N daa yɨm nǝb nɨ maa kanjǝl nɨ lɛ dǝngdǝngɨ.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.