Galatiya 3:16 - Dadiya NT

¹⁶ Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Galatiya 3:16 ပူးပေါင်းရင်းမြစ်များ

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Luka 1:55

kanga a swa yaa a daa tʊgalam bǝnɔ woi, a daa Ibrahim woi jǝbɔ dʊʊm gǝnɔ mɨ dɨtǝm wo.”

Maajɨ Bɛtɔ Twamagɨɨ 3:25

Nǝjen jǝ́ bɛtɔ lɔ nǝbkuwotǝmkǝga nɨɨ. Nǝjen tag jǝ́ yo swatǝm yaa nɨ lɛ Kwaama a maa tʊgalam jenɔ gǝmɨ. Nǝngɔ a sʊwa Ibrahim gɔ, ‘A mʊgɔ dʊʊm mʊn jǝ maa nyiyotɨn tǝm nɨ gǝm gwam bwili lɛɨ.’

Roma 12:5

a dul kɛl nɨ, bǝn nɨ sul bǝ lada nyɨɨ, bǝ yǝlam bʊtɔgɔ win a mʊgɔ Kiristii, gwam bǝnɔ bǝ mʊrka bǝ yǝlam win.

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Roma 4:16

N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Roma 9:4

Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

1 Korinti 12:12

Kanga bʊtɔgɔ win nǝngǝn nǝn jinʌnɔ a lada nyɨɨ, jinʌn nɨ gwam a lada nyɨɨ, bʊtɔgɔ win, gǝ na nyɔ a mʊrkalɨ nǝb bwangtǝm Kwaamaɨ gǝm, wʊnɨ nǝn gɔ n bʊtɔ Kiristii.

1 Korinti 12:27

Jǝ́ bʊtɔ Kiristii, gwam jenɔ jǝ́ jinʌn gǝn.

2 Korinti 11:22

Na jǝ nǝbɔ Ibranei, mǝ tǝmɨ mǝ na nyɔ. Na jǝ nǝbɔ Israilaɨ, mǝ tǝmɨ mǝ na nyɔ. Na jǝ guu Ibrahimi, mǝ tǝmɨ mǝ na nyɔ.

Galatiya 3:19

N wɛ a bwɨ Kwaama a nǝ diili? A sʊ diilɔ sǝ a nʊng jʊ nɨ n bwɨlangkɛlɨ a talɨ, sǝ a yɔ nǝn a kwama nɨ dʊʊm Ibrahimi bɛm lɛɨ, wʊnɨ n dul gǝn a maa swatǝm yaa nɨɨ. Diil nɨ bɛtɔ twama Kwaamaɨ a nǝ Musa, nʊ nɨ a tɨbǝl Kwaamaɨ jǝbɔ nǝbɨɨ.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Afisa 5:32

Jʊ nɨ n gʌleng jǝ yʊtǝm. Jʊ mǝ sʊwa kɛl lɛ a dul gǝnɨ, nǝn gɔ nǝn Kiristi jǝbɔ mʊrkalɨ nǝb bwangtǝm Kwaamaɨ.

Kolosii 2:19

A mʊrka bɔ a daa Kiristi woi wʊnɨ nǝn gɔ n duli. N daa gǝ woi bʊtɔgɔ gwam nya jǝ nyan nɛɨ, wʊnɨ a mʊrka a gola jinʌn jǝbɔ nʌl bʊtɔɨ, dʊʊl lɛ nǝn kwaan Kwaamaɨ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.