Galatiya 2:9 - Dadiya NT

⁹ A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Galatiya 2:9 ပူးပေါင်းရင်းမြစ်များ

Matta 16:18

Mǝ sʊwa ń nɛ, mʊ nǝn Bitrus, a dul sunte nɨ mǝ mɔ mʊrkalɨ nǝb bwangtǝm mǝndɨ lɛɨ, wʊnɨ bwaagɔ mɨ nǝn kwaan a dul gǝnɨ.

Luka 22:8

Yesu a twam Bitrus jǝbɔ Yohana gɔ, “Ya jǝ́ fɛka bǝm jǝjalǝn Dikulom Yabtǝmɔ sǝ bǝ ja.”

Yohana 1:42

Nǝngɔ a yɔ nǝn Saminu a daagɔ Yesu woi. Yesu a dʌng gǝn, nǝngɔ a sʊwa gǝn gɔ, “Mɔ nǝn Saminu bʊla Yohanaɨ. Ya jǝ jo ń gɔ Kefas.” Dun nɨ win jǝbɔ Bitrus, gǝ nʊng “Tɛl.”

Maajɨ Bɛtɔ Twamagɨɨ 12:17

Nǝngɔ a nʊng nǝn kang gɔ ja yɨ shigi, a sʊwa ji kanga Tɛlalɔ a jǝg gǝn a mʊgɔ lɔsomii. A sʊwa tag gɔ, “Jǝ́ sʊwa Yakubu jǝbɔ tangǝn kɛtǝlamɔ jʊ nɨɨ.” Nǝngɔ a gun a shu a kaa daaɨ.

Maajɨ Bɛtɔ Twamagɨɨ 15:13

Kwama ja dɨm kɛlɨ, nǝngɔ Yakubu a jǝla gɔ, “Kambɔ, jǝ́ nyʊwa ɨ.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 4:36

Kaa nǝl dun gǝnɔ nǝn Yusufu. N bwɛ Lawi, a Sayifurus, wʊnɨ bɛtɔ twamagɔ jo gǝn nɛ gɔ Barnabaɨ (wʊnɨ nʊng lɛ gɔ n nǝ kʊʊtǝm nǝlɨ). Barnaba a maa nyɔ.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

Roma 15:15

Kaam kanjǝl nɨ mǝ mʊla jemi, n jel a talɨ nyangnyang, sǝ n bʊʊla jem a dul lǝma nɨ Kwaama a maa mɨɨ.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

2 Korinti 11:5

A kuwotǝm mǝndɨ, mǝ gɨya bɔ wo dǝm a nǝb nɨ jǝ́ jo lɛ gɔ, “daltɔ bɛtɔ twamaɨ.”

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

2 Korinti 8:4

Ja kel nǝn nǝn bɨlǝngǝn dangǝn gɔ nǝn jǝla, nǝn dǝg ji a mʊgɔ nǝbɔ maa nǝb sagsagɔ gǝm tɨkalɨ lɛɨ.

Galatiya 1:16

a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.

Galatiya 1:18

Jolɔ taal a shui, nǝngɔ mǝ gwi mǝ shu a Urushalimaɨ, sǝ n kuwo Kefas wʊnɨ nǝn Siman Bitrusi. N maa kumɔ kʊb jeli nʊ nǝbɔ gɔ.

Galatiya 2:1

Jolɔ kʊb jeli naal a shui, nǝngɔ mǝ yǝla mǝ gwi mǝ shu a Urushalimaɨ. A kwama gɨɨ, mǝ shu nǝbɔ Barnaba nǝngɔ mǝ tatǝn Titus tʌgoi.

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Galatiya 6:3

Na kaa nǝl do dul gǝnɔ lɛ gɔ gǝ kaa jǝlɨ, gǝ ke bɔ kaa jǝl, gǝ swag dul gǝn.

Afisa 2:20

Jǝ́ nǝb nɨ ja mɔ a dʌbʌl fʌlʌm bɛtɔ twamagɨɨ jǝbɔ a nǝbkuwotǝmkǝgagɨɨ. Kiristi Yesu nǝn dul gǝn nǝn gɔ tɛl fʌlʌm kanɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

1 Timoti 3:15

na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.