Galatiya 2:2 - Dadiya NT

² Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Galatiya 2:2 ပူးပေါင်းရင်းမြစ်များ

Matta 10:16

“N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Maajɨ Bɛtɔ Twamagɨɨ 15:12

Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.

Maajɨ Bɛtɔ Twamagɨɨ 15:2

Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 18:9

Kaa di nǝn kum, Tɛlalɔ a nʊng Bulus a dʊgam nyangnyang gɔ, “Ka ń nyʊwa lɛ taal. Ya ń sʊwa kɛl Kwaamaɨ lɛ. Ka ń yɨ lɛ shig.

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Maajɨ Bɛtɔ Twamagɨɨ 5:34

Kaa bwɛ Farisa wo dunɔ nǝn Gamaliyal. N nǝ mɛlalɨ diil. N nʊ nǝbɔ gwam nǝ gǝn dʊʊn nɛɨ. Nǝngɔ a gun a tɨ a kǝga nǝb dʊʊm koteregɨɨ, a sʊwa ji gɔ jǝ jǝg nǝb nɨ a yooli dɨn.

Roma 9:16

Nʊ nɨ Kwaama a jǝgǝmɨ, a na bɔ a dul jʊ nɨ nǝfili swɨ lɛɨ, ke bɔ kwaan gǝn, n bʊnatǝm Kwaamaɨ kwaagɔ.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

1 Korinti 2:2

N kwɛl n do a nǝl mɨ kwama mǝ yǝm nǝbɔ jeni, mɨsɔ mǝ sʊwa kaa kɛl lɛ na ke bɔ a Yesu Kiristii, wʊnɨ ja kʊʊɨ.

1 Korinti 9:24

Jǝ́ nyǝm bɔ a gaan sʊtǝm sʊgɔl, nǝb sʊtǝm sʊgɔlɔ jǝ maa laakatǝm, nʊ win na gǝ nya lǝmagɔ lɛɨ ka? Bɛ ya jǝ́ mwal sʊgɔlɔ lɛ nyɔ sǝ jǝ́ ku jelʌn.

1 Korinti 9:26

A mɨɨ, mɨ mǝ mwal sʊgɔl lɛ mɨ nǝn daa yɔm. Gatǝm kang mǝndɨ, mǝ ga bɔ a yʊwa nǝn kwan.

2 Korinti 12:1

Jǝ́ sɨna mɨ gɔ n maa lɨyal. Lɨyal nɨ a sʊ mɨ bɔ kaa jǝl. Mǝ ja ja kǝga nǝn dʊgam nyangnyang jǝbɔ kanjǝlɔ Tɛlalɔ a nʊng ɨɨ.

Galatiya 1:12

Mǝ yo bɔ a daagɔ nǝfili woi. Mɨ nʊ nɨ wo a mɛla mɨɨ. Nǝn Yesu Kiristi nǝn kang gǝn a nʊng ɨ fulon kɛl lǝmɨ nɨɨ.

Galatiya 1:16

a nʊng ɨ bʊla gɔ, sǝ n kiyo fulon kɛl lǝmɨ gǝnɔ a daagɔ Bʌtʌbɔ woi. Mǝ yo bɔ mɛlalɨ a daa kaa nǝl woi.

Galatiya 1:6

Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Galatiya 2:6

Nǝb nɨ jǝ nǝb dʊʊmɨ, ja sʊ bɔ kaa jǝl a mɛlalɨ nɨ mǝ maaɨ. (A kuwotǝm mɨ na na bǝ woi, gwam jǝ win a daa mɨ woi, jʊ a bwɨɨ Kwaama mɨ gǝ nʊng swɨtǝm dul lɛ).

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

Galatiya 5:7

Galɨgǝn, jǝ́ ja kǝga lɛ nyangǝn. Nuwo a kaa jen a bwangtǝm bɨlǝngkɛlɨ?

Filibii 2:16

Jǝ́ ta kɛl kʊlɨ nɨ gwanggwang. Na jǝ́ ja kǝga nǝn maatǝm nyɨɨ, na Kiristi a bɛɨ, mǝ maa maa sʊtɔ. Mǝ sʊwa sʊwa mǝʊ maajɨ mǝndɨ jǝbɔ gaalan mǝndɨ, a yɔ bɔ nǝn kwan.

Filibii 2:29

Bɛ jǝ́ yo gǝn nǝn fulotǝm nǝl dangǝn a mʊgɔ Tɛlalɔɨ. Bɛ jǝ́ nǝ nǝb nɨ na gɨɨ dʊʊn,

1 Tasalonikaɨ 3:5

A dul kɛl nɨɨ, mǝ mwɨ bɔ n bwa nǝl a kʊtaɨ, nǝngɔ mǝ twam dɨsɔ n nyʊwa fulon nǝtǝm bɨlǝngkɛl jeni. Mǝ sa lɛ mǝʊ kage nǝ tɛltǝm nɨ a tɛl jen, gaalan maajɨ nǝnɔ a yɔ mwɛ nǝn kwan.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.