Galatiya 2:16 - Dadiya NT

¹⁶ Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Galatiya 2:16 ပူးပေါင်းရင်းမြစ်များ

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Maajɨ Bɛtɔ Twamagɨɨ 4:12

Mɨ nyatǝm bʊʊlɨ wo a daa kaa nǝl woi, a mʊgɔ duntɨn nɨ gwam ja nǝ nǝbɨɨ, a dʌbʌl jǝbɔ tǝmɨ, na ke bɔ dun gǝn kwaagɔ bǝ nya bʊʊtǝm lɛɨ.”

Roma 1:17

Fulon kɛl lǝmɨ nɨ a nʊng kanga Kwaama a dǝg nǝbɔ a yǝlam dǝngdǝng a daa gɔ woi a gola nǝtǝm bɨlǝngkɛl a tǝltǝmɔ gǝm a yɔ nǝn a dɨltǝmɨ, kanga ja mʊla gɔ, “Nʊ nɨ n nǝ dǝngdǝng a gola nǝtǝm bɨlǝngkɛlɨ, nya nya kʊlɨ.”

Roma 3:30

Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.

Roma 4:2

Na na Ibrahim a yǝlam nǝ dǝngdǝng a makajǝng gǝnɔ gǝmɨ, na nǝngǝn nǝn jʊ nɨ maam lɨyal lɛɨ, ke bɔ a kǝga Kwaamaɨ.

Roma 4:24

A yɔ nǝn a kɛl dul bǝn tag. Kwaama kiyo bǝn kiyo bǝ dǝngdǝng bǝn nɨ bǝ nǝ bɨlǝngkɛl a daa nʊ nɨ a gung Yesu Tɛlalɔ bǝn a bwaaɨ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Roma 9:30

N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Galatiya 4:5

A maa nyɔ sǝ a jǝg dul nǝb nɨ a mʊgɔ diili, sǝ a dǝg bǝn bǝ yǝlam bɛtɔ lɔ Kwaamaɨ.

Galatiya 5:4

Jen nɨ jǝ́ swɨ lɛ jǝ́ yǝlam nǝb dǝngdǝng a daagɔ Kwaama woi a gola bwangtǝm diil Musaɨ, jǝ́ kwɛl jǝ́ jǝg dul jenɔ a daagɔ Kiristi woi. Jǝ́ gʊ nǝn gul a nyatǝm lǝma Kwaamaɨ.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.