Galatiya 1:8 - Dadiya NT

⁸ Mǝ sʊwa jen nɛ, na kaa nǝl a bɛ a daa jen woi nǝn kaa fulon kɛl ke bɔ a wʊnɨ nǝn sʊwa jen nǝn tɨkǝgaɨ, na n bwɛ twama Kwaamaɨ wʊnɨ a dʌbʌli, na nǝnǝn nǝn kang nǝnɨ, bɛ a yǝlam nǝ lagtǝm!

Galatiya 1:8 ပူးပေါင်းရင်းမြစ်များ

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Markus 14:71

Nǝngɔ Bitrus a tǝl lagtǝm dul gǝnɨ, wɛɛla wɛɛlɨgɔ lɛ, sʊwa lɛ gɔ, “Mǝ nyǝm bɔ nʊ nɨ jǝ́ sʊwa kɛl lɛ a dul gǝnɨ!”

Maajɨ Bɛtɔ Twamagɨɨ 23:14

Nǝngɔ ja yɔ a daagɔ dʊʊm nǝbkǝlamɔ woi jǝbɔ nǝb dʊʊm nǝbɨɨ ja sʊwa gɔ, “Nǝn wɛɛl wɛɛlɨ nǝngɔ mɨsɔ nǝn ja lɛ, mɨsɔ nǝn nɔɔ lɛ, na nǝn jʌ bɔ Bulusi.

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

Roma 9:3

Na na maa maa nyɨɨ, bɛ ja lag ɨ, ja wʊlaka ɨ jǝbɔ Kiristi a kɛl dul kɛtǝlam mɨɨ, nǝbam nyiyo mǝndɨ.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

1 Korinti 16:22

Nʊ nɨ gwam mɨ swɨ Tɛlalɔ lɛɨ, bɛ a yǝlam nǝ lagtǝm. Tɛlalɔ bǝn, bɛ!

Galatiya 1:9

Kanga nǝn kwɛl nǝn sʊwa jen nǝn tɨkǝgaɨ, mǝ yǝla mǝ sʊwa jen nɛ tʌgo mǝʊ, na kaa nǝl a sʊwa jen kaa fulon kɛl nǝn kwanɨ, ke bɔ a wʊnɨ jǝ́ kwɛl jǝ́ nyʊwa, jǝ́ yoi, bɛ a yǝlam nǝ lagtǝm.

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Titus 3:10

Nʊ nɨ dǝg wʊlakatǝm lɛɨ, na a kɔ gʊtǝm lɔl naa win jǝbɔ naa yoi, bɛ ń jelʌm a gola gǝnɔ gǝm.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.