Galatiya 1:7 - Dadiya NT

⁷ Mɨ kaa fulon kɛl lǝmɨ wo. Kaam nǝbɔ swag jen nɛ, jǝ swɨ lɛ ja kal fulon kɛl lǝmɨ Kiristii.

Galatiya 1:7 ပူးပေါင်းရင်းမြစ်များ

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Maajɨ Bɛtɔ Twamagɨɨ 15:24

Nǝn nya fulon kɛl gɔ kaamɨ a kʊm nǝn a gung jem nǝl nǝn katɨ jinɔ, jǝ yǝla jem dul lɛ, wʊnɨ nǝn nǝ ji bɔ gola jʊ ja maa nyɨɨ.

Maajɨ Bɛtɔ Twamagɨɨ 20:30

A kʊm jen kaamɨ gun gun a sʊwala gabakɛl, sǝ ja gʊ nǝb bwangtǝmɔ a gul ji.

2 Korinti 11:13

Nǝb gɔ n bɛtɔ twama gabakɛl, n nǝb maajɨ swagtǝm. Jǝ yǝla nǝn dul jinɔ maamɔ jǝ bɛtɔ twama Kiristii.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

Galatiya 1:6

Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Galatiya 4:17

Nǝb nɨ swɨ lɛ a nʊng jen swɨtǝmɨ, ke bɔ jʊ a nǝl jini. Jǝ swɨ lɛ jǝ wʊlaka kʊm jenɔ jǝbɔ nǝn, sǝ jǝ́ swɨ jii.

Galatiya 5:10

N ya nǝl a daa jen woi a daagɔ Tɛtɛɨ, mɨ nyǝmatǝm wo, mɨsɔ jǝ́ bwangtǝn kaa bʊʊlalɨ lɛ na ke bɔ a mǝndɨ. Nʊ nɨ dǝg jen komtǝm lɛɨ nya nya mwɛtǝm Kwaamaɨ, na nǝn gɔ gǝ nuwoi.

Galatiya 5:12

Nǝb nɨ yǝla jem dul lɛ a kɛl dul biyotǝm mwɛnɨ, na mǝ swɨ swɨ jǝ yǝlam batǝm nɨ mɨ a lɔɨ!

Galatiya 6:17

A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.

2 Timoti 2:18

nǝbɔ a tangǝm a gul bɨlǝngkɛlɨ. Jǝ sʊwa lɛ gɔ guntǝmɔ a bwaaɨ a kwɛl a shu shui. Jǝ kal nǝtǝm bɨlǝngkɛl kaamɨ lɛ.

1 Yohana 2:26

Mǝ mʊla jem kanjǝl nɨ a dul nǝb nɨ swɨ lɛ a swag jeni.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

2 Yohana 1:10

Nʊ nɨ a bɛ a daa jen woi, a bɛ bɔ nǝn mɛlalɨ nɨɨ, ka jǝ́ yo gǝn nɛ a lɔ jen, ka jǝ́ yal gǝn nɛ nǝn bɛtǝmɔ.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.

Dʊgam Nyangnyang 2:20

“Jʊ mʊ maa bɔ dǝngdǝngɨ n wɔ. Ń kʊ nǝl nǝn Yezebel, nɔɔlɨ nɨ do dul gǝnɔ lɛ gɔ gǝ nǝkuwotǝmkǝgaɨ. Mɛla jwaalɛb mǝndɨ gǝm lɛ, swag ji lɛ gɔ ja maa bulon. Swag ji lɛ tag gɔ ja ja jǝjalǝn nɨ ja tǝlam shomtɨnɔ gǝm twamaɨ.

Dʊgam Nyangnyang 2:6

A mʊnɔ ń maa dǝngdǝng mʊ kɔ maajɨ Nikolatawaɨ, wʊnɨ mǝ tǝmɨ mǝ kɔɨ.

Dʊgam Nyangnyang 20:3

A mal gǝn a mʊgɔ bʊwa nɨ mɨ dɨltǝm woi. A nʊng, a gatǝn mɛl gǝnɔ tʌgo, jʊ a bwɨɨ kage a sʊtǝn swagtǝm Bʌtʌbɔ, sǝ a la nǝn jol nɨ fʊlkʊblǝnɔ dɨ lɛɨ. A bɨtǝnɨ, jǝ dem gǝm dem kang kwama nǝn dǝm nyɔ.