Galatiya 1:4 - Dadiya NT

⁴ Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Galatiya 1:4 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

Matta 6:9

Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.

Markus 10:45

Bʊla Nǝlɨ a bɛ bɔ tag sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ, sǝ a jǝg nǝbɔ a lada.”

Luka 22:19

Nǝngɔ a do kʊkkʊmɔ, a buu Kwaama gǝm kangɨ, a kǝl, a nǝ jii, a sʊwa gɔ, “Wʊnɨ n bʊtɔ mɨ wʊnɨ mǝ nǝ a kɛl dul jeni. Ya jǝ́ maa lɛ nyɔ sǝ ya jǝ́ bʊʊla lɛ nǝn mǝ.”

Luka 22:42

a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Roma 8:27

Kwaama wʊnɨ kuwo nǝl nǝfilii lɛɨ, a kwɛl a nyǝm nyǝmɨ nǝl Yʊwagɨɨ, jʊ a bwɨɨ Yʊwagɔ maa keli lɛ a dul nǝb sagsagɔ gǝm kanga Kwaama swɨ lɛɨ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

1 Korinti 15:3

Kɛl nɨ a laa jǝl dangǝn wʊnɨ mǝ sʊwa jeni, nǝn gɔ nʊ nɨ mǝ yoi, gɔ, Kiristi a bʊla a dul bwɨlangkɛl bǝn kanga mʊlalɨ kɛl Kwaamaɨ a sʊwaɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Galatiya 6:14

Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

Afisa 1:11

N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 5:16

Jǝ́ maa maajɨ nǝn gola nɨ jǝ́ nyaɨ, jʊ a bwɨɨ n kum bwɨlantɨn.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Filibii 4:20

Bɛ dʊʊnɔ a yɨ nyɔ a daagɔ Kwaama Tɛtɛ bǝn woi, mɨ dɨtǝm wo! A daa nyɔ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 3:11

Bɛ Kwaama bǝnɔ, Tɛtɛ bǝn nǝn kang gǝn, jǝbɔ Tɛlalɔ bǝn Yesu, a fɛka nǝm gola sǝ nǝn yɔ a daa jen woi.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

1 Timoti 2:6

nʊ nɨ a nǝ dul gǝnɔ sǝ a jǝg nǝbɔ gwamɨ, wʊnɨ nǝn gɔ n nǝtǝm nyiyogɔ a nǝ a dǝngdǝng kwamagɨɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 2:5

N ke bɔ a daagɔ bɛtɔ twama Kwaamaɨ woi Kwaama a ya fɔlɔn yooli nɨ bɛ lɛɨ, wʊnɨ bǝ sʊwa lɛɨ.

Ibranii 6:5

ja twɨ lǝma kɛl Kwaamaɨ jǝbɔ kwaan joltɨn nɨ bɛ lɛɨ,

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Yohana 2:2

Gǝ nǝn kang gǝn nǝn gɔ a tǝla tʊʊm gǝnɔ na kǝlǝmtǝm bwɨlangkɛltɨn bǝnɨ, n ke bɔ a bǝn kwaagɔ, pʌd jǝbɔ bwɨlangkɛl yooligɔ gwam.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.