Galatiya 1:23 - Dadiya NT

²³ Jʊ win ja nyʊwaɨ nǝn gǝ gɔ, “Nʊ nɨ galɨgǝn nǝ bǝn gaalan nɛɨ, n wɔ kiyo kɛl nǝtǝm bɨlǝngkɛl lɛ wʊnɨ gǝ kal lɛ galɨgǝnɨ.”

Galatiya 1:23 ပူးပေါင်းရင်းမြစ်များ

Maajɨ Bɛtɔ Twamagɨɨ 19:13

Nǝngɔ kaam Yahudawa nɨ bola lɛ a tuulɔtɨnɨ, jǝ jǝg nǝblaam lɛ, jǝ swɨ lɛ ja maa maajɨ nǝn dun Tɛlalɔ Yesui a nǝb nɨ nǝn nǝblaamɨ. Jǝ sʊwa lɛ gɔ, “Mǝ ga jem diil lɛ nǝn dun Tɛlalɔ Yesui, wʊnɨ Bulus kiyo kɛl gǝnɔ lɛɨ, jǝ́ jela.”

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Maajɨ Bɛtɔ Twamagɨɨ 9:13

Nǝngɔ Hananiya a jǝla gǝn gɔ, “Tɛlalɔ, n nyʊwa fulon kɛl balɨ nɨ a daa nǝbɔ woi a gǝlala, a kɛl shil nɨ maa nǝb bwangtǝm mʊnɔ gǝm lɛ a Urushalimaɨ.

Maajɨ Bɛtɔ Twamagɨɨ 9:20

A kʊta bɔ, Shawulu a tǝl sʊwatǝm kɛl Yesui a kantɨn mɛlalɨ Yahudawagɨɨ sʊwa lɛ gɔ, “Yesu nǝn gɔ nǝn Bʊla Kwaamaɨ.”

Maajɨ Bɛtɔ Twamagɨɨ 9:21

Nǝb nɨ gwam a nyʊwa gǝnɨ, ja ta kang a nyiyo. Jǝ sʊwa lɛ gɔ, “Wʊnɨ, ke bɔ nʊ a jʌbo, a kwɨ nǝb nɨ maa keli lɛ nǝn dun nɨ a Urushalimaɨ ka? Kɛna a bɛ fɔ sǝ a bwaba ji, sǝ a yɔ nǝn ji a daagɔ dʊʊm nǝbkǝlamɔ woi?”

Maajɨ Bɛtɔ Twamagɨɨ 9:26

Kwama Shawulu a yǝla a Urushalimaɨ, a maa kanga gǝ dɔ mʊgɔ nǝb bwangtǝmɔ lɛɨ, ji tʌji jǝ nyʊwa taal gǝnɔ lɛ, jʊ a bwɨɨ, ja jǝla bɔ gɔ gǝ bwɛ mɛlalɨ.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.