Galatiya 1:22 - Dadiya NT

²² A kwama gɔ, mʊrkalɨ nǝb bwangtǝm Kwaamaɨ nɨ a mʊgɔ Kiristii a Yahudiyaɨ ja kuwo i bɔ wo nu jǝbɔ nu.

Galatiya 1:22 ပူးပေါင်းရင်းမြစ်များ

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 16:10

Jǝ́ yal Abalis, wʊnɨ ja jǝla nǝn maajɨ gǝnɔ a mʊgɔ Kiristii. Jǝ́ yal nǝbɔ lɔ Aristobulusi.

Roma 16:3

Jǝ́ yal Bilkisu jǝbɔ Akila fatǝm maajɨ mǝndɨ a mʊgɔ Kiristi Yesui.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 16:9

Jǝ́ yal Urbanus fwalɨ maajɨ bǝnɔ a mʊgɔ Kiristii, jǝbɔ Istakis fwal mɨ nyangǝn.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

Filibii 1:1

Nǝmǝ mǝ Bulus nǝbɔ Timoti, nǝn bɛtɔ jwaalɛn Kiristi Yesui, Nǝn mʊla nǝb sagsagɔ gǝm lɛ gwam a Filibii, nǝbɔ a mʊgɔ Kiristii, jǝbɔ nǝb dʊʊm nɨ dʌng nǝb bwangtǝmɔ lɛɨ jǝbɔ nǝbɔ maa jim maajɨ lɛɨ.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

1 Tasalonikaɨ 2:14

Kambɔ, jǝ́ yǝlam jǝ bangal a mʊrkalɨtɨn nǝb bwangtǝm Kwaamaɨ wʊnɨ a mʊgɔ Kiristi Yesui, wʊnɨ a tǝm Yahudiyaɨ, jʊ a bwɨɨ jen tʌjen jǝ́ nɔɔ gaalan a kang nǝb tǝm jenɔ gǝm, kanga ji tʌji ja nɔɔ gaalan a kang Yahudawagɨɨ.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.