Filimon 1:22 - Dadiya NT

²² Kaa jʊ wɔ: Bɛ ń fɛka mɨ kan shigtǝmɔ, jʊ a bwɨɨ mǝ ya nǝl lɛ ja nɨ ɨ gola n yɔ a daa jen woi a kɛl dul maatǝm keli jenɔ gǝm.

Filimon 1:22 ပူးပေါင်းရင်းမြစ်များ

Maajɨ Bɛtɔ Twamagɨɨ 27:24

A sʊwa gɔ, ‘Ka ń nyʊwa lɛ taal, Bulus. Bɨlǝngǝn mʊ tɨ tɨ a kǝga Kaisarɨ. N wɔ tag n kɛl dul mʊn Kwaama a mʊgɔ bʊnatǝm gǝn bʊʊ lɛ nǝn fatǝm yɔm mʊnɔ gwamɨ.’

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

2 Korinti 1:11

Jen tʌjen bɛ jǝ́ tɨka nǝn nǝn maatǝm keli, sǝ nǝbɔ a lada buu Kwaama gǝm kang lɛ a dul nǝnɨ, a bwili nɨ Kwaama a maa nǝmɨ, a jǝla nǝn keli nǝbɨɨ a lada.

Filibii 1:19

jʊ a bwɨɨ n nyǝm mǝʊ n gola keli jenɔ jǝbɔ tɨkalɨ Yʊwa Yesu Kiristii nǝn gɔ jǝg ɨ lɛɨ.

Filibii 2:24

Mǝ ya nǝl a daagɔ Tɛlalɔ woi, mǝ tǝmɨ mǝ bɛ lɛ mɨsɔ mǝ ta bʊtɔ lɛ.

Ibranii 13:19

Mǝ kel jen nɛ nǝn bɨlǝngǝn jǝ́ maa nyɔ, sǝ n yǝla a daa jen woi dǝbǝr.

Ibranii 13:23

Jǝ́ nyǝm, ja dem kang a kɨla bǝn Timoti gǝm. Jǝ́ kuwo i kuwo i nǝbɔ gɔ a daa jen woi na a bɛtǝnɨ.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

2 Yohana 1:12

Mǝ nǝn jʊ nɨ mǝ sʊwa jen nɛ a ladaɨ, n kuwo a daa bɔ tʌgo n mʊla jem a langǝn bwangǝn. N ya nǝl n yɔ jem fɔla sǝ n sʊwa jen kǝga jǝbɔ kǝga, sǝ fulotǝm nǝl bǝnɔ a yii dǝngdǝng.

3 Yohana 1:14

Mǝ ya nǝl lɛ bǝ tǝgaka tǝgaka mɨsɔ kʊta lɛ, sǝ bǝ sʊwa kɛl kǝga jǝbɔ kǝga.