Filibii 4:9 - Dadiya NT

⁹ Jʊ nɨ jǝ́ mɛlaɨ, jǝbɔ jʊ nɨ jǝ́ yoi, jǝbɔ jʊ nɨ jǝ́ nyʊwaɨ, jǝbɔ jʊ nɨ jǝ́ kuwo a daa mǝ woi, bɛ jǝ́ ya a mɛlalɨ. Na jǝ́ maa nyɨɨ, Kwaama nǝ nǝtǝm lǝma yɨ yɨ jǝbɔ jen.

Filibii 4:9 ပူးပေါင်းရင်းမြစ်များ

Matta 1:23

“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.”

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 7:21

“Ke bɔ nǝb nɨ gwam jo i lɛ gɔ, ‘Tɛlalɔ, Tɛlalɔɨ,’ nya dɔtǝm fɔlɔn lɔ Kwaamaɨ lɛɨ, n nǝb nɨ maa kanjǝl nɨ lɛ Tɛtɛ mɨ nɨ a kwamaɨ swɨ lɛɨ.

Luka 6:46

“N wɛ a bwɨ jǝ́ jo i lɛ gɔ ‘Tɛlalɔ, Tɛlalɔɨ,’ mɨ jǝ́ maa kanjǝlɔ lɛ mǝ sʊwa jen mǝʊ jǝ́ maaɨ?

Luka 8:21

Nǝngɔ a jǝla ji gɔ, “Nɛnɛ mɨ jǝbɔ kɛtǝlam mǝndɨ n nǝb nɨ nyʊwa kɛl Kwaama lɛɨ, jǝ maa maajɨ lɛ nǝnɨ.”

Yohana 13:17

Kǝngkɔ jǝ́ nyǝm kanjǝl nɨɨ, jǝ́ nya nya bwili na jǝ́ maa jii.

Yohana 15:14

Na jǝ́ maa jʊ mǝ sʊwa jen mǝʊ jǝ́ maaɨ, jǝ́ fatǝlam mɨ.

Yohana 2:5

Nǝngɔ nyɨya Yesui a sʊwa nǝb maajɨgɨɨ gɔ, “Gwam jʊ nɨ a sʊwa jen gɔ jǝ́ maaɨ, bɛ jǝ́ maa.”

Maajɨ Bɛtɔ Twamagɨɨ 9:6

Gun dɔ mʊgɔ tuulɔngɔ. Jǝ sʊwa ń sʊwa ń jʊ mʊ maa lɛɨ.”

Roma 15:33

Bɛ Kwaama nɨ nǝ yɨm kwamɨgǝn nɛɨ, a yɨ dakini jǝbɔ jen gwam. A daa nyɔ.

Roma 16:20

Kwaama nɨ nǝ yɨm kwamɨgǝn nɛɨ, fala fala Mammɔ mɨsɔ kʊta lɛ, sǝ a nǝ kwaan jen a dul gǝn. Bɛ lǝma Tɛlalɔ Yesui a yɨ jǝbɔ jen.

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

1 Korinti 14:33

Jʊ a bwɨɨ, Kwaama n ke bɔ Kwaama bwaalɨ, n Kwaama yɨm kwamɨgǝn. Kanga kaam mʊrkalɨ nǝb bwangtǝm Kwaamaɨ maa lɛɨ, bɛ jǝ́ maa nyɔ tʌjen.

1 Korinti 4:16

A dul kɛl nɨ mǝ kela jen nɛ, jǝ́ mɛla jʊ mǝ maa lɛɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

Filibii 3:17

Kambɔ, bɛ jǝ́ maa mɛlalɨ nǝn mǝ. Jǝ́ dʌng nǝb nɨ yɨm jinɔ win jǝbɔ mɛlalɨ nɨ nǝ maaɨ.

Filibii 4:7

Dɨsɔ lǝma Kwaamaɨ wʊnɨ a laa nyǝmtǝm bǝnɔ gwamɨ, a tɔɔ nǝl jenɔ jǝbɔ bʊʊlalɨ jenɔ a mʊgɔ Kiristi Yesui.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

1 Tasalonikaɨ 2:14

Kambɔ, jǝ́ yǝlam jǝ bangal a mʊrkalɨtɨn nǝb bwangtǝm Kwaamaɨ wʊnɨ a mʊgɔ Kiristi Yesui, wʊnɨ a tǝm Yahudiyaɨ, jʊ a bwɨɨ jen tʌjen jǝ́ nɔɔ gaalan a kang nǝb tǝm jenɔ gǝm, kanga ji tʌji ja nɔɔ gaalan a kang Yahudawagɨɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 3:4

Nǝn jǝla nǝn Tɛlalɔ a dul jen a bwangtǝm diil nɨ nǝn sʊwa jeni. Jǝ́ ja ja kǝga nǝn bwangtǝmɔ.

2 Timoti 4:22

Bɛ Tɛlalɔ a yɨ a nǝl mʊn. Bɛ lǝmagɔ a yɨ jǝbɔ jen.

Yakubu 1:22

Ka jǝ́ swag lɛ dul jenɔ. Ka jǝ́ yǝlam lɛ nǝb nyʊwatǝm kɛl Kwaamaɨ nǝn kwan. Bɛ jǝ́ yǝlam nǝb maatǝm gǝn tag.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.