Filibii 4:8 - Dadiya NT

⁸ A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

Filibii 4:8 ပူးပေါင်းရင်းမြစ်များ

Matta 22:16

Nǝngɔ ja twam bɛtɔ mɛlalɨ jinɔ jǝbɔ kaam nǝbam Hiridusi a daa gǝ woi gɔ, “Nǝ mɛlalɨ, nǝn nyǝm mʊ nǝ bɨlǝngkɛl, mʊ mɛla gola Kwaamaɨ lɛ nǝn bɨlǝngǝn, nǝbɔ pʌd win a daa mʊ woi, mʊ do bɔ kaa nǝl a laa a wini.

Markus 6:20

Jʊ a bwɨɨ, Hiridus nyʊwa taal Yohanaɨ lɛ, kɨla gǝn nɛ dangǝn. A nyǝm gɔ Yohana n nǝfili dǝngdǝng, n nǝ sagsag. Na kwama nɨ Yohana a sʊwa Hiridus kɛlɨ, gǝ kom gǝn kom sul, gǝ nyʊwa nyʊwa lǝma nyʊwatǝm kɛl Yohanaɨ kwangkwang.

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 23:50

Kaa nǝl wo a kʊm mʊrkalɨ nǝb dʊʊm kotere tǝm gɔ, dun gǝnɔ nǝn Yusufu. N bwɛ kaa tuulɔ Yahudiyaɨ, wʊnɨ jǝ jo lɛ gɔ Arimatiyaɨ. N nǝ nya, n nǝ dǝngdǝng.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Maajɨ Bɛtɔ Twamagɨɨ 10:22

Nǝngɔ ja sʊwa gɔ, “Na kaa dʊʊ sʊwajaam, dun gǝnɔ nǝn Karniliyas, a twam nǝnɨ. N nǝ dǝngdǝng, n nǝ nyʊwatǝm taal Kwaamaɨ, wʊnɨ Yahudawagɔ gwam sʊwa kɛl nyan nɛ a dul gǝnɨ. Nǝngɔ kaa bwɛ twama Kwaamaɨ sagsag a sʊwa gǝn gɔ, a twam mʊn sǝ ń yɔ a lɔ gɔ, sǝ a nyʊwa jʊ mʊ sʊwa lɛɨ.”

Maajɨ Bɛtɔ Twamagɨɨ 22:12

“Nǝngɔ kaa nǝl dunɔ nǝn Hananiya a bɛ a daa mǝ woi. N nǝ bwangtǝm Kwaamaɨ a diil bǝnɔ gǝm, wʊnɨ Yahudawagɔ fʌlen gwamɨ bǝlá gǝn nɛɨ.

Maajɨ Bɛtɔ Twamagɨɨ 6:3

Kambɔ, jǝ́ jǝg nǝbɔ nʌbʌl a kʊm jen, nǝb nɨ n nǝb nyanɨ, nǝb nɨ a yii nǝn Yʊwa Kwaamaɨ jǝbɔ nyǝmtǝmɨ, wʊnɨ nǝn nǝ ji maajɨ nɨ lɛɨ,

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Roma 13:3

Fɔlɔlɔmɔ ke bɔ jǝ taal a nǝb nɨ maa jʊ nɨ lɛ dǝngdǝngɨ, na ke bɔ nǝb nɨ maa bwɨlangkɛl lɛɨ. Mʊ swɨ bɔ ń nyʊwa taal nʊ nɨ maa fɔlɔn nɛɨ ka? Bɛ ń maa jǝ nyan, bǝlá ń bǝlá ń.

Roma 14:18

Pʌd nʊ nɨ maa Kiristi gǝm maajɨ lɛ a gola nɨɨ, n jǝ yotǝm a daagɔ Kwaama woi. N nǝ jǝlatǝm a daagɔ nǝbɔ woi tag.

Roma 2:29

Nʊ nɨ n bwɛ Yahuda a mʊgɔ nǝlɨ, nǝn gɔ n bwɛ Yahuda nyanɨ. Biyotǝm mwɛn nyanɔ gǝ na a mʊgɔ nǝl, a mʊgɔ yʊwa, ke bɔ biyotǝm tɛ bʊtɔ. N nʊ nɨ Kwaama bǝlá gǝn nɛɨ, ke bɔ nǝfilii.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

2 Korinti 13:7

Nǝn kel Kwaama lɛ, ka jǝ́ maa lɛ kaa bwɨlang jǝl. Nǝn maa bɔ keli a dul nǝn, kage a yǝlam maamɔ nǝn ja tɛltǝm nɨ nǝn kwan, nǝn maa keligɔ nyɔ sǝ jǝ́ maa jʊ nɨ dǝngdǝngɨ. A kal bɔ jǝl na nǝbɔ a sʊwa gɔ nǝn yal tɛltǝmɨ.

2 Korinti 6:8

Jǝ nǝ nǝn dʊʊn nɛ, jǝ soga nǝn nɛ, jǝ wana nǝn nɛ jǝ tuwo nǝn nɛ tag. Ja do nǝn maamɔ nǝn nǝb swagtǝm nǝbɨɨ, nǝ nyǝm nǝn nǝb bɨlǝngkɛl.

2 Korinti 8:18

N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ.

2 Korinti 8:21

N bʊʊlalɨ nǝn nǝn maa jʊ nɨ dǝngdǝngɨ. N ke bɔ a kǝga Tɛlalɔɨ kwaagɔ. Nǝn maa a kǝga nǝbɨɨ gwam.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Afisa 4:25

A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Afisa 6:14

Jǝ́ tɨ nǝn kwaan. Bɛ bɨlǝngkɛlɔ a yǝlam tafɨya jen. Bɛ maajɨ dǝngdǝngɔ a yǝlam bɛllɛ kemʌn jen.

Filibii 3:1

A dɨltǝmɔ gǝmɨ kambɔ, jǝ́ maa fulotǝm nǝl nǝn Tɛlalɔ! Mɨ komtǝm wo n yǝla n mʊla jem kanjǝl nɨ tʌgo tag. Maatǝmɔ nyɨɨ nǝn gɔ n tɨkalɨ jeni.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.

1 Tasalonikaɨ 4:12

Jǝ́ maa nyɔ sǝ nǝb nɨ ke bɔ nǝb bwangtǝmɨ ja nǝ jen dʊʊn. Ka jǝ́ ya lɛ nǝbɔ gǝm tuulo.

1 Timoti 2:2

Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

1 Timoti 3:4

N nǝ dʌngtǝm nǝbɔ lɔ gɨɨ dangǝn, dʌng bɛtɔ lɔ gɨɨ lɛ sǝ ja yǝlam nǝb shigtǝm dul jǝbɔ nǝtǝm dʊʊn.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

1 Timoti 5:2

Nɔɔtǝm dʊʊmɔ bɛ ń do ji na nɛtǝlam mʊn, bɛtǝnɔɔtǝnɔ na kɛtǝlam mʊn nǝn nǝl sagsag.

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Titus 2:2

Bɛ ń mɛla batǝm dʊʊmɔ gǝm ja yǝlam nǝb tatǝm dul, nǝbɔ a shing shingi, nǝbɔ a dǝg kang a sʊɨ, nǝbɔ a tɨ dangǝn a nǝtǝm bɨlǝngkɛl jinɔ gǝmɨ, jǝbɔ swɨtǝm nǝbɨɨ jǝbɔ bwatǝm nǝl.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Ibranii 11:2

N gola nǝtǝm bɨlǝngkɛl tʊgalam bǝnɔ a nya jǝlatǝm Kwaamaɨ.

Ibranii 13:18

Jǝ́ maa nǝm keli. Nǝn nyǝm nyɔ nǝn nǝn mʊgɔ nǝl nɨ mɨsɔ nǝn nyʊwa gunidul lɛɨ. Nǝn swɨ lɛ nǝn yɨ yɨm nǝnɔ a gola nyan.

Yakubu 1:27

Jǝfʊlǝn nɨ Kwaama Tɛtɛ a jǝla nǝn sagsag n bɨlǝngkɛlɨ nǝn gɔ, bɛ jǝ́ dʌng nɔɔtǝmkʊlabɔ, jǝbɔ bɛtɔ kwɛlǝnɔ a mʊgɔ gaalan jinɔ gǝm. Bɛ jǝ́ ta dul jenɔ ka jǝ́ maa lɛ jǝ bwɨlan a yooli nɨ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.