Filibii 4:3 - Dadiya NT

³ Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

Filibii 4:3 ပူးပေါင်းရင်းမြစ်များ

Luka 10:20

Ka jǝ́ maa lɛ fulotǝm nǝl jengɔ kwaan jenɔ a laa a nǝblaamɨ. Bɛ jǝ́ maa fulotǝm nǝl nǝn dun jenɔ ja mʊla a dʌbʌli.”

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Roma 16:12

Jǝ́ yal Tarafina jǝbɔ Tarafusa nɔɔtǝm nɨ gʌ lɛ a mʊgɔ maajɨ Tɛlalɔɨ. Jǝ́ yal Barsisa, fwal mɨ nyangǝn, nʊ nɨ gʌ lɛ nǝn maajɨ a dul Tɛlalɔɨ.

Roma 16:9

Jǝ́ yal Urbanus fwalɨ maajɨ bǝnɔ a mʊgɔ Kiristii, jǝbɔ Istakis fwal mɨ nyangǝn.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

Filibii 1:16

Nǝb nɨ kiyo fulon kɛl lǝmɨ Kiristii lɛ a gola nyanɨ, ja maa nyɔ a dul swɨtǝm mɨɨ, kanga ja nyǝm Kwaama a ya ɨ fɔ sǝ n kʌshi fulon kɛl lǝmɨgɨɨ.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 1:5

Mǝ buu kang lɛ a yɔmɔ jǝ́ yɔ lɛ dakini jǝbɔ mǝ a watǝm fulon kɛl lǝmɨ nɨ, a tǝltǝm, a bɛ nǝn a dwiyeni.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 4:2

N gʊ Afodiya gǝm lɔl jǝbɔ Sintiki mǝʊ, ja yɨ yɨm nya dakini, ja bǝla gʊbkatǝmɔ wo, jʊ a bwɨɨ jǝ na a Tɛlalɔɨ.

Kolosii 1:7

Jǝ́ mɛla nyɔ a daagɔ Abafaras woi, nʊ nɨ nǝn swɨ lɛɨ, fwalɨ maajɨ nǝn. N nʊ a ta swatǝm yaa a do nyiyo nǝnɔ a maajɨ Kiristii.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.

Dʊgam Nyangnyang 17:8

Yʊwal bwɨla nɨ mʊ kuwoi, galɨgǝn wo, kǝngkɔ mɨ wo. Gwi gwi a bʊwa nɨ mɨ dɨltǝm woi, sǝ a yɔ a daa nɨ jǝ jʌm gǝn nɛɨ. Nǝbɔ yǝm a yooli nɨɨ, nǝb nɨ a tǝltǝm fwaltǝm yooligɔ gǝmɨ, ja mʊla bɔ duntɨn jinɔ a mʊgɔ langǝn bwangǝn kʊlɨ nɨɨ, jǝ ta ta kang a nyiyo a kuwotǝm yʊwal bwɨla nɨ, jʊ a bwɨɨ galɨgǝn wo, kǝngkɔ mɨ wo, yǝla bɛ bɛ.

Dʊgam Nyangnyang 20:12

N kuwo bʌlʌn nǝb dʊʊmɨ jǝbɔ nǝb nɨ mɨ a nyiyo jǝlɨ, tɨlam a kǝga kotere fɔlɔnɔ gǝm. Langǝn bwangǝntɨnɔ a wumo wumoi. Kaa langǝn bwangǝnɔ a wumo wumoi wʊnɨ nǝn gɔ langǝn bwangǝn kʊlɨgɨɨ. Jǝ maa nǝb nɨ a bʊla bʊlaɨ gǝm borang a yɔ dǝngdǝng a jʊtǝb nɨ ja maaɨ, kanga ja mʊla a mʊgɔ langǝn bwangǝntɨnɔ gǝmɨ.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

Dʊgam Nyangnyang 21:27

Mɨ nyǝmatǝm wo, mɨ kaa jʊ nɨ wo mɨ sagsag dɔ mʊgɔ gǝn nɛɨ. Nʊ nɨ maa jʊ nɨ lɛ a bʊm bɔ kuwotǝmɨ, jǝbɔ nʊ nɨ maa gabakɛl lɛɨ mɨsɔ dɔ lɛ, na ke bɔ nǝbɔ ja mʊla duntɨn jinɔ a langǝn bwangǝn kʊlɨ a Bɛ Gal nɨ kwaagɨɨ.

Dʊgam Nyangnyang 3:5

Nʊ nɨ a ku jelʌni, jǝ mal gǝm mal dwang fulontɨn. Mɨsɔ mǝ fʌto dun gǝnɔ lɛ a mʊgɔ Langǝn Bwangǝn Kʊlɨ nɨ. Mǝ sʊwa sʊwa mǝʊ gǝ na a mɨ a kǝga Tɛtɛ mɨɨ jǝbɔ kǝga bɛtɔ twama Kwaamaɨ tag.