Filibii 4:12 - Dadiya NT

¹² N nyǝm jʊ nɨ a ja bʊnǝnɨ jǝbɔ nyatǝmɨ, n nyǝm yɨm gola kanjǝlɔ gwam. N kwɛl n mɛla yɨm jʊwan jǝbɔ boga fʌl, yɨm nyatǝm jǝbɔ yɨm bʊnǝn.

Filibii 4:12 ပူးပေါင်းရင်းမြစ်များ

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 10:10

Kaamɨ sʊwa lɛ gɔ, “Langǝn bwangǝn gǝnɔ gǝ dɔ bʊtɔ, nǝn kwaan, a kaa gola na ń kuwo gǝn kǝga jǝbɔ kǝgaɨ, n ke bɔ kwamɨ nǝlɨ, kɛl gǝnɔ tag n ke bɔ kɛl.”

2 Korinti 11:27

N nɔɔ gaalan maajɨ dangǝn. Mǝ nya bɔ daatǝm dum. N nɔɔ gaalan jʊwan jǝbɔ laatǝm mwɛ. Naagɔ a laa kwaan mǝ nya bɔ jǝjalǝn. N nyʊwa juul. N yɔ bʊtɔgɔ kwakwa.

2 Korinti 11:7

Mǝ shig dul mǝndɨ dɨsɔ ja gung jen. N bwɨlangkɛl ka? Mǝ sʊwa jen fulon kɛl lǝmɨ Kwaamaɨ nǝn kwan. N bwɨlangkɛl ka?

2 Korinti 11:9

Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.