Filibii 3:10 - Dadiya NT

¹⁰ Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Filibii 3:10 ပူးပေါင်းရင်းမြစ်များ

Matta 20:23

Nǝngɔ a sʊwa ji gɔ, “N nyǝm nyɔ, jǝ́ mwɨ mwɨ jǝ́ tɨ, jǝ́ nɔɔ gaalanɔ na mǝ. Mǝ sʊwa jen nɛ, kɛl yɨm a kang jajǝng jǝbɔ kang fɔlɔng mɨ, mɨ mǝ nǝn fɔlɔn nɨ mǝ nǝ jen nɛɨ. Tɛtɛ mɨ nɨ a kwamaɨ a fɛm nǝbɔ ga jǝgamɨ daatɨnɔ.”

Yohana 10:18

Mɨ nʊ nɨ wo do mɨ kʊlɨ lɛɨ. Nǝmǝ nǝn kang mɨ mǝ nǝ lɛɨ. Mǝ nǝn fɔlɔn nɨ mǝ nǝ lɛɨ. Mǝ nǝn fɔlɔn nɨ mǝ do lɛ tagɨ. N diilɔ Tɛtɛ mɨ a sʊwa ɨ gɔ n maaɨ.”

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Roma 8:36

Kanga a mʊla mʊlaɨ gɔ, “N kɛl dul mʊn bǝn a nyiyo bwaa kwangkwangɨ, ja do bǝn na kwamɨ biyotǝm.”

2 Korinti 1:10

Nǝn gɔ a jǝg nǝn a bwaa bwɨla nɨɨ, nǝn gɔ tag bʊʊ lɛ nǝn nǝnɨ. N daa gǝ woi nǝ ya nǝl lɛ, bʊʊ lɛ nǝn nǝn tagɨ.

2 Korinti 1:5

Kanga bǝ nɔɔ gaalan nɛ a ladaɨ, wʊnɨ dǝngdǝng kanga Kiristi a nɔɔɨ, jǝ yʌb bǝm nǝl nyɔ a gola Kiristii.

2 Korinti 13:4

Ja kʊʊ Kiristi sul na nʊ nɨ a gɨya gɨyaɨ, kǝngkɔ nǝngǝn nǝn kʊlɨ nǝn kwaan Kwaamaɨ. Nǝn tǝnǝn nǝn gɨya na gɔ sul, nǝn nǝn kʊlɨ jǝbɔ gɔ a kwaan Kwaamaɨ, dɨsɔ nǝn maa jem maajɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Galatiya 6:17

A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.

Afisa 4:13

Jʊ nɨ nǝn gɔ ja kǝga lɛ ba la nǝn bǝn a mʊrkalɨ win a nǝtǝm bɨlǝngkɛl a Bʊla Kwaamaɨ, jǝbɔ nyǝmtǝm gǝnɨ, bǝ yǝlam nǝfitʌm dangǝn, bǝ yǝlam nǝn yiitǝm na Kiristi.

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Kolosii 3:1

Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

2 Bitrus 1:13

A kuwotǝm mɨ n dǝngdǝng na mǝ nǝn kʊlɨ a mʊgɔ bʊtɔ nɨɨ, ya mǝ nʊng jen nʊng a bʊʊlalɨ jen.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.