Filibii 3:1 - Dadiya NT

¹ A dɨltǝmɔ gǝmɨ kambɔ, jǝ́ maa fulotǝm nǝl nǝn Tɛlalɔ! Mɨ komtǝm wo n yǝla n mʊla jem kanjǝl nɨ tʌgo tag. Maatǝmɔ nyɨɨ nǝn gɔ n tɨkalɨ jeni.

Filibii 3:1 ပူးပေါင်းရင်းမြစ်များ

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Luka 1:47

Dʊʊmɨ mǝndɨ gǝ na a bǝlátǝm Kwaamaɨ, Nǝbʊʊlɨ mɨɨ,

Roma 5:11

A sʊtǝnɨ, bǝ maa lɨyal lɛ tag nǝn Kwaama a gola Tɛlalɔ bǝn Yesu Kiristii, wʊnɨ n daa gǝ woi ja dɔ kʊm bǝnɔ ja fɛkaɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

Afisa 6:10

A dɨltǝmɔ gǝm, bɛ jǝ́ ya kwaanɔ a daagɔ Tɛlalɔ woi jǝbɔ mʊgɔ kwaan dʊʊn gǝnɔ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 4:4

Bɛ jǝ́ maa fulotǝm nǝl kwangkwang nǝn Tɛlalɔ. Mǝ sʊwa jen nɛ tʌgo tag, jǝ́ maa fulotǝm nǝl!

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

1 Tasalonikaɨ 5:16

Ya jǝ́ maa fulotǝm nǝl lɛ kwangkwang.

Yakubu 1:2

Kɛtǝlam mɨ, bɛ jǝ́ dǝg gaalantɨn nɨ tɛl nǝtǝm bɨlǝngkɛl jenɔ lɛɨ a yǝlam jǝ fulotǝm nǝl.

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.