Filibii 2:6 - Dadiya NT

⁶ wʊnɨ n jelkalǝng Kwaamaɨ. Jelkalǝng gǝnɔ na Kwaamaɨ, a dǝg gǝn bɔ a do jʊ nɨ gǝ tɨtǝn nɛ tʌgoi.

Filibii 2:6 ပူးပေါင်းရင်းမြစ်များ

Matta 1:23

“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 10:30

Mǝ nǝbɔ Tɛtɛ mɨ nǝn win.”

Yohana 10:33

Yahudawagɔ a jǝla gǝn gɔ, “N ke bɔ a dul kɛl maajɨ nyantɨn nɨ mʊ maa nǝn mala ń nɛ nǝn tɛl sǝ nǝn jʌ ńi, n kɛl kaltǝm dun Kwaamaɨ. Mɔ nɨ mʊ nǝfili nǝn kwanɨ, mʊ do dul mʊnɔ lɛ dǝngdǝng jǝbɔ Kwaama.”

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 14:28

“Jǝ́ kwɛl jǝ́ nyʊwa n sʊwa jen mǝʊ, ‘Mǝ shu shu, sǝ n yǝla n bɛ a daa jen woi.’ Na na jǝ́ swɨ ɨ lɛɨ, na jǝ́ maa fulotǝm nǝl a shutǝm mǝndɨ gǝm a daa Tɛtɛ woi, jʊ a bwɨɨ, Tɛtɛ a laa ɨ.

Yohana 14:9

Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 20:28

Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”

Yohana 5:18

Kɛl nɨ a dǝg Yahudawagɔ a sʊtǝn saatǝm gola nɨ jǝ jʌm Yesu lɛɨ. Ja sʊwa gɔ, “Ke bɔ kaltǝm diil Kum Fǝbtǝmɔ kwaagɔ, a sʊwa tag gɔ, Kwaama nǝn Tɛtɛ gɔ. Kɛl nɨ a sʊwa nyɨɨ, a do dul gǝnɔ dǝngdǝng jǝbɔ Kwaama.”

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 1:6

Nǝn kwama Kwaama a bɛ nǝn bwɛ tɨkǝga gǝnɔ a yooli nɨɨ, nǝngɔ a sʊwa tag gɔ, “Gwam bɛtɔ twama Kwaamaɨ bɛ ja maa gǝm bǝlátǝm.”

Ibranii 1:8

A dul Bwɛɨ, nǝngɔ a sʊwa gɔ, “Kwaama, kotere fɔlɔn mʊnɔ tɨ tɨ mɨ dɨtǝm wo. Dwam fɔlɔn mʊnɔ n dǝngdǝng dangǝn.

Ibranii 13:8

Yesu Kiristi mɨ gǝ fʌto lɛ wo. Nǝn gɔ dʊgalǝnɨ, nǝn gɔ dwiyeni, mɨ dɨtǝm wo.

Dʊgam Nyangnyang 21:6

A sʊwa ɨ gɔ, “A dɨɨ. Nǝmǝ mǝ Alfaɨ, Nǝmǝ mǝ Omegaɨ, Nǝmǝ mǝ Tɨkǝgaɨ, Nǝmǝ mǝ Dɨltǝmɨ. Nʊ nɨ nyʊwa diil mwɛ lɛɨ, mǝ nǝ gǝn nǝ mwɛ nɨ a mʊgɔ bwili mwɛ kʊlɨ nǝn kwan.