Filibii 2:30 - Dadiya NT

³⁰ jʊ a bwɨɨ ya bʊla lɛ a maajɨ Kiristii, miyo kʊlɨ gǝnɔ lɛ sǝ a tɨka ɨ maajɨ nɨ jǝ́ dwal bɔ jǝ́ maaɨ.

Filibii 2:30 ပူးပေါင်းရင်းမြစ်များ

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Roma 16:4

Ja nǝ kʊlɨ jinɔ ya la bwaa lɛ a kɛl dul mɨ. Ke bɔ mǝ kwaamɨ mǝ buu jim kang lɛ a dul jʊ nɨɨ, pʌd jǝbɔ mʊrkalɨtɨn nǝb bwangtǝm Kwaamaɨ nɨ n Bʌtʌbi.

1 Korinti 15:53

Bʊtɔ nɨ bʊta lɛɨ, Kwaama fʌto fʌto nǝn bʊtɔ nɨ mɨsɔ bʊta lɛ woi. Bʊtɔ nɨ bʊla lɛɨ, Kwaama fʌto fʌto nǝn bʊtɔ nɨ mɨsɔ bʊla lɛ woi.

1 Korinti 16:10

Na Timoti a bɛɨ, bɛ jǝ́ bǝla gǝn a kwɨ bʊtɔ a kʊm jen, jʊ a bwɨɨ gǝ maa maajɨ Tɛlalɔɨ kanga mǝ maam lɛɨ.

1 Korinti 16:17

N maa fulotǝm nǝl nǝn bɛtǝm Istifanusi, jǝbɔ Fartunatas jǝbɔ Akaikas, jʊ a bwɨɨ ja dem mɨ gaalan yɔtǝmɔ a daa jen woi.

2 Korinti 12:15

Mǝ jʌ jʌ jǝ kang mǝndɨ gwam, jǝbɔ kumtɨn mǝndɨ gwam, nǝn fulotǝm nǝl a kɛl dul jen. Na n sʊtǝn swɨtǝm jeni, jǝ́ shig shig swɨtǝm mǝndɨ ka?

2 Korinti 4:12

Nǝn na a nyiyo bwaa, sǝ jen jǝ́ nya kʊlɨ.

Filibii 2:17

Nǝtǝm bɨlǝngkɛl jenɔ jǝbɔ maajɨ jenɔ a daagɔ Tɛlalɔ woi a maa na tǝlatǝm twama. Na na mǝ tǝla tǝla tʊʊm mǝndɨ a dul twama nɨɨ, mǝ nyʊwa nyʊwa lǝma, n maa fulotǝm nǝl nǝbɔ jen.

Filibii 2:27

A daa twɨla dangǝn, ya la bwaa lɛ. Kwaama a ji bʊnǝn gǝnɔ, ke bɔ gɔ kwaagɔ, jǝbɔ mǝ tǝmɨ, jʊ a bwɨɨ kage n maa kaltǝm nǝl a dul kaltǝm nǝl.

Filibii 4:10

N maa fulotǝm nǝl nǝn Tɛlalɔ dangǝn, jʊ a bwɨɨ jǝ́ yǝla jǝ́ tǝl dʌngtǝm nɨ jǝ́ maa mɨ lɛɨ tʌgo. N nyǝm galɨgǝn jǝ́ bʊʊla lɛ nǝn mǝ a nǝl jen, jǝ́ nya bɔ gola nʊngtǝm gǝnɔ.

Filibii 4:18

Ja ywa ɨ kanjǝlɔ gwam, a shu kwaan. N nyʊwa lǝma dangǝn nǝn tɨkalɨgɔ jǝ́ twam mɨ a kang Abafaroditasɨ. A maa na jǝ twɨtǝm yulʌn nɨ nǝn kunʌn nyaɨ, jǝ yotǝm wʊnɨ fulo Kwaama gǝm nǝl lɛɨ.

Filimon 1:13

Na mǝ swɨ swɨ n ta gǝn a daa mɨ woi, sǝ a do nyiyo mʊnɔ a mʊgɔ tɨkalɨ mǝndɨ, nǝn kwama ja bwa ɨ a mʊgɔ lɔsomi a dul fulon kɛl lǝmɨɨ.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.