Filibii 2:3 - Dadiya NT

³ Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

Filibii 2:3 ပူးပေါင်းရင်းမြစ်များ

Luka 18:14

“N sʊwa jen, nǝ bwɨlangkɛl nɨ, a maa bɔ na bwɛ Farisa nɨ. A yǝla a lɔ n nǝ dǝngdǝng a kǝga Kwaamaɨ. Mʊsǝn kɛl nɨ gǝ nʊng gɔ nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Roma 12:10

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Roma 2:8

A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

1 Korinti 15:9

Nǝmǝ mǝ maa dǝm a mʊgɔ bɛtɔ twamagɨɨ, mǝ la bɔ ja sʊwa gɔ mǝ bwɛ twama, jʊ a bwɨɨ n nǝ mʊrkalɨ nǝb bwangtǝm Kwaamaɨ gaalan.

1 Korinti 3:3

A bɛ nǝn a kǝngkɨɨ, jǝ́ na a bʊʊlalɨ nǝfitʌmi. Na nungon wo jǝbɔ gʊbkatǝm a kʊm jeni, jǝ́ ke bɔ a yooli ka? Ke bɔ maajɨ bʊtɔ jǝ́ maa lɛɨ ka?

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

Afisa 4:2

Kwangkwang bɛ jǝ́ yɨ nǝn shigtǝm dul nyangǝn jǝbɔ yʌbtǝm dul, jǝbɔ kʊtǝm nǝl, jǝ́ bwabka nǝl lɛ a mʊgɔ swɨkan.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

Filibii 2:14

Bɛ jǝ́ maa kanjǝlɔ gwam mɨ kʊngatǝm wo jǝbɔ gʊbkatǝm.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Kolosii 3:8

Kǝngkɔ bɛ jǝ́ bǝla jʊtǝb nɨ wo, nabwɨl, jǝbɔ bʊwaka nǝl, jǝbɔ kɔkan, jǝbɔ kalkatǝm dun, jǝbɔ sʊwalatǝm kanjǝl bwɨla.

1 Timoti 6:4

Dʊʊlǝn dulɔ a la gǝm daa, a nyǝm bɔ kaa jǝl. Nǝngǝn nǝn tatǝm kʊshɨn jǝbɔ gʊbkatǝm a dul kɛltɨn nǝn kwan, wʊnɨ gǝ bɛ lɛ nǝn nungon, jǝbɔ tʊlǝmɨ, jǝbɔ kalkatǝm dun, jǝbɔ nyǝmatǝm kanjǝl nɨ mɨ dǝngdǝngɨ.

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”