Filibii 2:20 - Dadiya NT

²⁰ Mɨ mǝ nǝn kaa nǝl wo wʊnɨ ta jen nɛ, a dʌng yɨm jenɔ a bʊm na gɨɨ.

Filibii 2:20 ပူးပေါင်းရင်းမြစ်များ

Yohana 10:13

Nʊ gɔ gǝ mwal mwal jʊ a bwɨɨ, gǝ maa maajɨ kemʌn. Mɨ jʊ nɨ wo a kom gǝn jǝbɔ kwamɨtɨnɨ.

Yohana 12:6

Yahuza a sʊwa kɛl nɨɨ, ke bɔ bʊʊlalɨ nǝb bʊnǝnɔ a maaɨ, jʊ a bwɨɨ n nǝkuu. Nǝn gɔ ta bǝla kemʌn jinɔ lɛɨ. Gǝ kuu kuu kemʌnɔ a mʊgɔ gǝn a tɨka dul gǝnɔ nǝn.

Roma 15:5

Kwaama nɨ nǝ kʊʊtǝm nǝl lɛ jǝbɔ bwatǝm nǝlɨ, bɛ a nǝ jen yɨm nyan jǝbɔ kambɔ a bwangtǝm Yesu Kiristii,

1 Korinti 16:10

Na Timoti a bɛɨ, bɛ jǝ́ bǝla gǝn a kwɨ bʊtɔ a kʊm jen, jʊ a bwɨɨ gǝ maa maajɨ Tɛlalɔɨ kanga mǝ maam lɛɨ.

Filibii 2:2

Bɛ jǝ́ dǝg fulotǝm nǝl mǝndɨ a yii. Jǝ́ yɨ nǝn jǝlakatǝm jǝbɔ swɨkan a kʊm jen. Jǝ́ mʊrka dul, bʊʊlalɨ jenɔ win.

Filibii 2:22

Jen jǝ́ nyǝm yɨm Timotii kanga nǝn maa maajɨ fulon kɛl lǝmɨ Kwaamaɨ dakinii, maamɔ n tɛ bwɛ jǝbɔ bʊla gɔ.

Kolosii 4:11

Yasuwa wʊnɨ jǝ jo lɛ gɔ Yustusi, yal jen nɛ. Nǝb nɨ taalɨ, nǝji kwaaji a kʊm Yahudawagɔ n nǝb bwangtǝmɔ maa maajɨ lɛ jǝbɔ mǝ a dul fɔlɔn lɔ Kwaamaɨ, jǝ kʊʊ mɨ nǝl lɛɨ.

1 Timoti 1:2

Mǝ mʊla bʊla mɨ Timoti gǝm lɛ bwɛ nyan mɨ a nǝtǝm bɨlǝngkɛlɔ gǝm. Bɛ Kwaama Tɛtɛ, jǝbɔ Kiristi Yesu Tɛlalɔ bǝn a nǝ ń lǝma, jǝbɔ bʊnatǝm jǝbɔ yɨm kwamɨgǝn.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

2 Timoti 1:5

N bʊʊla nǝn nǝtǝm bɨlǝngkɛl nyan mʊnɔ, wʊnɨ nǝn tɨkǝga nʊga mɔ Loyis jǝbɔ nɛnɛ mɔ Afiniki jǝ nǝnɨ. Mɨ nyǝmatǝm wo, nǝtǝm bɨlǝngkɛl gɔ, gǝ na jǝbɔ mɔ.

2 Timoti 3:10

Mɔ, ń kwɛl ń nyǝm nyǝmɨ mɛlalɨ mǝndɨ, jǝbɔ gola yɨm mǝndɨ, jǝbɔ jʊ mǝ swɨ maatǝmɔ lɛɨ, jǝbɔ nǝtǝm bɨlǝngkɛl mǝndɨ, jǝbɔ kʊtǝm nǝl mǝndɨ, jǝbɔ swɨtǝm mǝndɨ, jǝbɔ bwatǝm nǝl mǝndɨ.