Filibii 2:14 - Dadiya NT

¹⁴ Bɛ jǝ́ maa kanjǝlɔ gwam mɨ kʊngatǝm wo jǝbɔ gʊbkatǝm.

Filibii 2:14 ပူးပေါင်းရင်းမြစ်များ

Matta 20:11

Ja yoi, nǝngɔ jǝ kʊnga lɛ a dul nǝ tɔtwamɨ,

Markus 14:5

Na na jǝ miyo miyo nwang nɨɨ, na shu shu kemʌn sǝlǝnɔ fʊlkʊb taal, ja nǝ nǝb bʊnǝnɔ.” Nǝngɔ ja wɛla nɔɔlɨ nɨ gǝm bwɨlangǝnɨ.

Markus 9:14

Nǝn kwama Yesu jǝbɔ bɛtɔ mɛlalɨ gǝnɔ taal ja gǝla ja bɛɨ, nǝngɔ ba ja nya nǝbɔ a lada nyɔ a kang tangǝn bɛtɔ mɛlalɨgɨɨ. Nǝb mɛlalɨ diil Musaɨ gʊbka kɛl lɛ jǝbɔ ji.

Luka 5:30

Nǝbɔ Farisaɨ jǝbɔ nǝb mɛlalɨ diilɔ ja tǝl kʊngatǝm kɛlɔ jǝ sʊwa bɛtɔ mɛlalɨ Yesui lɛ gɔ, “N wɛ a bwɨ jǝ́ ja lɛ, jǝ́ nɔɔ lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

Maajɨ Bɛtɔ Twamagɨɨ 15:2

Ke bɔ bɛ gʊbkatǝm Bulus jǝbɔ Barnaba a maa jǝbɔ nǝb nɨ a kɛl nɨ gǝmɨ. Nǝngɔ ja jǝg Bulus jǝbɔ Barnaba jǝbɔ kaam nǝb gɔ ja yɔ a Urushalima a daagɔ bɛtɔ twamagɔ woi jǝbɔ nǝb dʊʊm nǝb bwangtǝmɨ sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 15:39

Kɔkatǝm nɨ a dǝg ji wʊlakatǝm. Barnaba a do Markus, ja dɔ tɨyamwɛngɔ ja shu a tǝm nɨ a tɨbǝl wɨma jǝ jo lɛ gɔ Sayifurusi.

Maajɨ Bɛtɔ Twamagɨɨ 15:7

A mʊgɔ gʊbkatǝm jinɔ gǝmɨ, nǝngɔ Bitrus a gun a tɨ tɨɨ a sʊwa ji gɔ, “Kambɔ, jǝ́ nyǝm joltɨnɔ a shu a kʊta, Kwaama a jǝg ɨ a kʊm jen gɔ, n daa mɨ woi Bʌtʌbɔ nyʊwa fulon kɛl lǝmɨ nɨ lɛɨ, sǝ ja nǝ bɨlǝngkɛl nǝnɨ.

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

Roma 12:18

Na na maa maa nyɨɨ, jǝ́ yɨ yɨm kwamɨgǝn jǝbɔ nǝbɔ gwam.

Roma 14:1

A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

1 Korinti 10:10

Ka bǝ maa lɛ kʊngatǝm na wʊnɨ kaamɨ a maaɨ, bwɛ twama Kwaamaɨ nǝ jʌtǝmɔ a jʌbo jii.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Galatiya 5:15

Na jǝ́ wobka nam bʊtɔtɨn jenɔ lɛɨ, jǝ́ fɛ jǝ́ maa bʊʊlalɨ, kage a yǝlam gola kalkatǝm a kʊm jen.

Galatiya 5:26

Ka bǝ yǝlam lɛ nǝb dʊʊlǝn dul. Ka bǝ tǝlka lɛ kutʌm. Ka bǝ maaka lɛ nungon.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

1 Tasalonikaɨ 5:13

Jǝ́ ta ji a bʊm dangǝn nǝn swɨtǝm a kɛl maajɨ jinɔ gǝm. Jǝ́ yɨ yɨm kwamɨgǝn a kʊm jen.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

Yakubu 1:20

Nabwɨl nǝlɨ mɨ gǝ yɔ lɛ nǝn gɔ a yɨm dǝngdǝng nɨ Kwaama swɨ lɛɨ.

Yakubu 3:14

A mʊgɔ nǝl jen, na jǝ́ maa nungon nɛ jǝbɔ swɨtǝm duli, ka jǝ́ maa lɛ lɨyal jengɔ jǝ́ nǝn yʊlan, ka jǝ́ bǝm lɛ bɨlǝngkɛlɔ.

Yakubu 5:9

Kambɔ, jǝ́ bǝla kʊngatǝmɔ wo a kʊm jen, kage ja biyo jem borang. Nǝ biyotǝm borangɔ bɛ lɛ. N wɔ tɨm a nyanga kan.

1 Bitrus 3:11

Bɛ ga bǝla bwɨlanɔ, ga maa jǝ nya. Bɛ ga saa yɨm lǝma, ga ta gwanggwang.

1 Bitrus 4:9

Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.

Yahuza 1:16

Nǝb nɨ n nǝb kʊngatǝm kɛl. N nǝb kaltǝm nǝbɨɨ nǝn nyiyo. Jǝ bwangtǝn wɛl nǝl jin. Jǝ maa lɨyal nǝn dul jin. Jǝ nǝ lǝma nyiyo sǝ ja nya jʊ jǝ swɨ lɛɨ.