Filibii 2:10 - Dadiya NT

¹⁰ sǝ a mʊgɔ dun Yesui, nǝbɔ gwam jʊng jʊng nǝn dun a dʌbʌl, jǝbɔ tǝm, jǝbɔ mʊgɔ tǝm.

Filibii 2:10 ပူးပေါင်းရင်းမြစ်များ

Matta 12:40

Kanga Yunana a maa kumɔ taal a mʊgɔ fʌl jʌngi dʊʊnɨ, Bʊla Nǝlɨ maa kumɔ taal, kum jǝbɔ kɔkɔ a mʊgɔ tǝm.

Matta 27:29

Nǝngɔ ja bwa gǝm dwang dul sholaɨ, ja dǝg gǝm a duli, ja dǝg gǝm dwamɔ a kang jajǝngɨ, ja jʊng a kǝga gǝnɨ, ja mog gǝn gɔ, “Bɛ kʊlɨ mʊnɔ a kʌl, fɔlɔ Yahudawagɨɨ!”

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Roma 11:4

Kwaama a jǝla gǝn gɔ wɛ? A jǝla gǝn gɔ, “N ya dul mɨ gǝm nǝbɔ fʊlkʊblǝn nʌbʌl, nǝb nɨ a jʊng bɔ a nǝ Baal dʊʊn woi.”

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Afisa 3:14

N dul kɛl nɨ mǝ jʊng a kǝga Tɛtɛɨ mǝ maa kelii,

Afisa 4:9

(N wɛ nʊng lɛ gɔ, “Ga gwii?” Gǝ nʊng gɔ nǝn tɨkǝga a gǝla a tǝm!

Ibranii 1:6

Nǝn kwama Kwaama a bɛ nǝn bwɛ tɨkǝga gǝnɔ a yooli nɨɨ, nǝngɔ a sʊwa tag gɔ, “Gwam bɛtɔ twama Kwaamaɨ bɛ ja maa gǝm bǝlátǝm.”

Dʊgam Nyangnyang 20:13

Nǝngɔ wɨmagɔ a nǝ bʌlʌntɨn nɨ a mʊgɔ gǝnɨ. Daa yamtǝm borangɔ a nǝ bʌlʌn nɨ a mʊgɔ gǝnɨ. Ja biyo jim borangɔ a yɔ dǝngdǝng jǝbɔ jʊtǝb nɨ ja maaɨ.

Dʊgam Nyangnyang 4:10

daltɔ dʊʊm nɨ fʊltiyo jeli naalɨ, ja jʊng a kǝga nʊ nɨ yǝm a dʌbʌl kotere fɔlɔnɨ, nʊ nɨ nǝn kʊlɨ mɨ dɨltǝm woi, jǝ maa gǝm bǝlátǝm lɛ. Ja ya dwang dul fɔlɔn jinɔ tag a kǝga kotere fɔlɔn nɨ, jǝ ma nafɨ lɛ jǝ sʊwa lɛ gɔ,

Dʊgam Nyangnyang 5:3

Mɨ nʊ nɨ wo a dʌbʌl jǝbɔ tǝm jǝbɔ mʊgɔ tǝmɨ, wʊnɨ a la nyɔ a wum langǝn bwangǝn nɨ a dʌng mʊgɔ gǝnɨ.