Filibii 2:1 - Dadiya NT

¹ Kiristi a kʊʊ jem nǝl. Swɨtǝm gǝnɔ a yʌb jem nǝl. Yʊwa Kwaamaɨ a mʊrka jen. Jǝ́ nʊngka bʊnatǝm jǝbɔ swɨkan.

Filibii 2:1 ပူးပေါင်းရင်းမြစ်များ

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Yohana 14:18

Mɨsɔ mǝ bǝla jen nɛ na bɛtɔ kwɛlǝn. Mǝ bɛ bɛ a daa jen woi.

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Yohana 17:13

“Kǝngkǝnɨ mǝ yilo a daa mɔ woi. Mǝ sʊwa kanjǝl nɨ lɛ mǝ a yooli, sǝ nǝb nɨ bwang mɨ lɛɨ a nya fulotǝm nǝl mǝndɨ nyangǝn a mʊgɔ nǝl jinɔ gǝm.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Roma 8:26

Gǝ na nyɔ, Yʊwagɔ maa bǝm tɨkalɨ lɛ a mʊgɔ gɨyatǝm bǝnɔ gǝm. Bǝ nyǝm bɔ kanga bǝ maam keli lɛ dǝngdǝngɨ, Yʊwagɔ nǝn dul gǝn kela Kwaama lɛ a dul bǝn, a tǝnatǝm kɛltɨn nɨ mɨsɔ dwal lɛ a nʊngɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

1 Korinti 15:31

Mǝ sʊwa jen nɛ kambɔ, n kɛl lɨyal nɨ mǝ maa lɛ nǝn jen a mʊgɔ Kiristi Yesui, Tɛlalɔ bǝn, kwangkwang mǝ miyo kʊlɨ mɨ lɛ a bwaaɨ.

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Filibii 1:8

Kwaama a nyǝm n swɨ jen na swɨtǝmɔ Kiristi Yesu maa jem lɛɨ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.