Filibii 1:6 - Dadiya NT

⁶ Mɨ nyǝmatǝm wo, Kwaama nɨ a tǝl maajɨ nyan nɨ a daa jen woi, yɔ yɔ nǝn a dɨltǝm dɨsɔ a la nǝn a kɔkɔ bɛtǝm Yesu Kiristii.

Filibii 1:6 ပူးပေါင်းရင်းမြစ်များ

Yohana 6:29

Nǝngɔ Yesu a jǝla ji gɔ, “Wʊnɨ nǝn gɔ jʊ Kwaama swɨ lɛɨ, jǝ́ nǝ bɨlǝngkɛl a nʊ nɨ ga twamɨ.”

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

2 Korinti 1:15

N nyǝm nyɔ, n jʊ a bwɨ mǝ swɨ na n yɔ a daa jen woi nǝn tɨkǝgaɨ, sǝ jǝ́ nya yotǝm bwili naagɔ yo.

2 Korinti 2:3

Mǝ mʊla jem nyɔ kage n bɛ ba n nya nǝb nɨ dǝg ɨ fulotǝm nǝl lɛɨ, a yǝlam nǝji jǝ dǝg ɨ lɛ a fitǝm nǝlɨ. Mɨ mǝ nǝn kǝman a jen gǝm, na n maa fulotǝm nǝlɨ, gwam jenɔ jǝ́ maa fulotǝm nǝl.

2 Korinti 7:16

Mǝ maa fulotǝm nǝl lɛ, jʊ a bwɨɨ n jǝla nǝn jen dangǝn.

2 Korinti 9:4

kage a yǝlam na kaam nǝbɔ Makidoniyaɨ a bɛ dakini jǝbɔ mɨɨ, ba ja nya jǝ́ fɛka bɨɨ, gunidulɔ ta nǝn ta, a bwɨlam kǝga a daa jen woi, a jǝlatǝm nɨ nǝ maa lɛ nǝn jeni.

Galatiya 5:10

N ya nǝl a daa jen woi a daagɔ Tɛtɛɨ, mɨ nyǝmatǝm wo, mɨsɔ jǝ́ bwangtǝn kaa bʊʊlalɨ lɛ na ke bɔ a mǝndɨ. Nʊ nɨ dǝg jen komtǝm lɛɨ nya nya mwɛtǝm Kwaamaɨ, na nǝn gɔ gǝ nuwoi.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Filibii 1:29

A nǝ jen lǝmagɔ ke bɔ a dul nǝtǝm bɨlǝngkɛl a daagɔ Kiristi woi kwaagɔ, n gaalanɔ jǝ́ nɔɔ lɛ a kɛl dul gǝnɨ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Filibii 2:16

Jǝ́ ta kɛl kʊlɨ nɨ gwanggwang. Na jǝ́ ja kǝga nǝn maatǝm nyɨɨ, na Kiristi a bɛɨ, mǝ maa maa sʊtɔ. Mǝ sʊwa sʊwa mǝʊ maajɨ mǝndɨ jǝbɔ gaalan mǝndɨ, a yɔ bɔ nǝn kwan.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

2 Tasalonikaɨ 1:11

N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.

2 Tasalonikaɨ 3:4

Nǝn jǝla nǝn Tɛlalɔ a dul jen a bwangtǝm diil nɨ nǝn sʊwa jeni. Jǝ́ ja ja kǝga nǝn bwangtǝmɔ.

Filimon 1:21

N jǝla nǝn mɔ, mʊ nyʊwa ɨ nyʊwa ɨ. N jʊ a bwɨ mǝ mʊla mʊn nɛɨ, n nyǝm mʊ maa maa a laa jʊ nɨ mǝ sʊwaɨ.

Ibranii 10:35

A dul kɛl nɨɨ, ka jǝ́ gɨya lɛ kʊtǝm nǝl jenɔ, jʊ a bwɨɨ nyatǝm lǝmagɔ wo a lada.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 3:10

Kumɔ Tɛlalɔ bɛm lɛɨ, bɛ na nǝkuu. Dʌbʌlɔ shu shu nǝn diil dʊʊn. Gwam jʊtǝb nɨ a dʌbʌl jǝbɔ tǝmɨ twɨm twɨm, ja kala. Tǝmɔ jǝbɔ kanjǝl nɨ a mʊgɔ gǝnɨ, lɛlam lɛlam.