Filibii 1:26 - Dadiya NT

²⁶ Sǝ na kwama mǝ bɛ a daa jen woi tagɨ, jǝ́ nya gola jʊ jǝ́ maam sʊtɔ lɛ nǝn a mʊgɔ Kiristi Yesui a kɛl dul mɨ.

Filibii 1:26 ပူးပေါင်းရင်းမြစ်များ

Yohana 16:22

Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ.

Yohana 16:24

A ba la nǝn kǝngkǝnɨ, jǝ́ kela bɔ kaa jǝl a mʊgɔ dun mɨ. Jǝ́ kel, jǝ́ yo yo, sǝ fulotǝm nǝl jenɔ a yii.

2 Korinti 1:14

kanga jǝ́ kwɛl jǝ́ nyǝm nǝn dǝm nyɨɨ, sǝ jǝ́ maa lɨyal nǝn nǝn, nǝn tǝnǝn nǝn maa lɨyal nǝn jen, nǝn di Tɛlalɔ bǝn Yesu bɛm lɛɨ.

2 Korinti 5:12

N ke bɔ gungtǝm dul nǝ nʊng lɛ a daa jen woi. Nǝn nʊng jen gola nɨ jǝ́ maa lɨyal lɛ nǝn nǝnɨ, sǝ jǝ́ nyǝm kanga jǝ́ gar kɛl nǝbɨɨ maa lɨyal lɛ nǝn jʊ jǝ kuwo lɛɨ, ke bɔ jǝbɔ jʊ a nǝl jini.

2 Korinti 7:14

N sʊwa gǝn mǝʊ mǝ maa lɨyal lɛ nǝn jen. Mǝ nyʊwa bɔ gunidul. Kanga kanjǝl nɨ nǝ sʊwa jen gwamɨ n bɨlǝngkɛlɨ, maatǝm lɨyal nǝnɔ nǝn jen a nu Titusi a nʊng n bɨlǝngkɛl tǝgǝn.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

2 Korinti 7:6

Kwaama nɨ kʊʊ nǝl nǝb nɨ lɛ mɨ nǝn kʊʊtǝm nǝlɨ, a kʊʊ nǝm nǝl nǝn bɛtǝm Titusi.

Galatiya 6:4

Bɛ jǝ́ tɛl maajɨ jenɔ win win gwam jenɔ. Na a bʊmɨ, sǝla jǝ́ maa lɨyal jǝbɔ jʊ nɨ mʊ maa nǝn dul mʊnɨ, mɨsɔ mʊ nʊng dul mʊnɔ lɛ jǝbɔ kaa nǝl.

Filibii 3:1

A dɨltǝmɔ gǝmɨ kambɔ, jǝ́ maa fulotǝm nǝl nǝn Tɛlalɔ! Mɨ komtǝm wo n yǝla n mʊla jem kanjǝl nɨ tʌgo tag. Maatǝmɔ nyɨɨ nǝn gɔ n tɨkalɨ jeni.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 4:10

N maa fulotǝm nǝl nǝn Tɛlalɔ dangǝn, jʊ a bwɨɨ jǝ́ yǝla jǝ́ tǝl dʌngtǝm nɨ jǝ́ maa mɨ lɛɨ tʌgo. N nyǝm galɨgǝn jǝ́ bʊʊla lɛ nǝn mǝ a nǝl jen, jǝ́ nya bɔ gola nʊngtǝm gǝnɔ.

Filibii 4:4

Bɛ jǝ́ maa fulotǝm nǝl kwangkwang nǝn Tɛlalɔ. Mǝ sʊwa jen nɛ tʌgo tag, jǝ́ maa fulotǝm nǝl!