Filibii 1:17 - Dadiya NT

¹⁷ A nǝb wuleni, jǝ sʊwa kɛl Kiristii a gola swɨtǝm dul, ke bɔ nǝlɔ win, jǝ swɨ lɛ ja nɨ ɨ gaalan a mʊgɔ lɔsomi.

Filibii 1:17 ပူးပေါင်းရင်းမြစ်များ

Luka 21:14

Ka jǝ́ do lɛ bʊʊlalɨ a nǝl jen jengɔ jǝ́ maa nyǝn jǝ́ kʌshi dul jenɔ lɛ dɨsɔ la kanjǝl nɨ a bwɨ nǝn jeni.

Maajɨ Bɛtɔ Twamagɨɨ 22:1

“Jǝ́ kɛtǝlamɔ jǝbɔ dʊʊmɔ, jǝ́ kaa lɔl sǝ n sʊwa jen jʊ a bwɨɨ, sǝ n nʊng jen mɨ mǝ nǝn bwɨlangkɛl.”

Maajɨ Bɛtɔ Twamagɨɨ 26:1

A daagɔ nǝngɔ Agaribas a sʊwa Bulus gɔ, “N nǝ ń gola. Jǝg dul mʊnɔ.” Nǝngɔ Bulus a gung kang a tǝl sʊwatǝm kɛlɨ gɔ,

Maajɨ Bɛtɔ Twamagɨɨ 26:24

Bulus a mʊgɔ sʊwatǝm kɛl jǝgtǝm dul gǝnɔ, nǝngɔ Festas a ga gǝm wulong gɔ, “Bulus mʊ nǝ wabɨ ka? Kiyotǝm langǝn bwangǝnɔ yǝla mʊn dul lɛ!”

Roma 2:8

A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

Filibii 1:18

A kal wɛ? Jʊ bǝ dʌng lɛɨ nǝn gɔ na jǝ maam na kuwotǝm nui, na n bɨlǝngǝn n kɛl Kiristii jǝ kiyo lɛɨ, n maa fulotǝm nǝl nǝngǝn. Mǝ ja ja kǝga nǝn fulotǝm nǝl dangǝn,

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

1 Timoti 2:7

N dul kɛl nɨ Kwaama a jǝg ɨ nǝ sʊwatǝm kɛl gǝnɨ, jǝbɔ bwɛ twama, nʊ nɨ mɛla Bʌtʌbɔ gǝm bɨlǝngkɛl lɛ jǝbɔ nǝtǝm bɨlǝngkɛlɨ. Mǝ sʊwa bɨlǝngkɛl, ke bɔ gabakɛl.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

2 Timoti 4:16

Nǝn kwama mǝ tɨm a kǝga borang nǝn tɨkǝga a kɛl jǝgtǝm dul mǝndɨɨ, mɨ nʊ nɨ wo a bwa mɨ guui, pʌd jinɔ ja mwal ja bǝla ɨ. N ya nǝl mɨsɔ Kwaama kiyo lɛ na bwɨlangkɛl a dul jin.