Filibii 1:16 - Dadiya NT

¹⁶ Nǝb nɨ kiyo fulon kɛl lǝmɨ Kiristii lɛ a gola nyanɨ, ja maa nyɔ a dul swɨtǝm mɨɨ, kanga ja nyǝm Kwaama a ya ɨ fɔ sǝ n kʌshi fulon kɛl lǝmɨgɨɨ.

Filibii 1:16 ပူးပေါင်းရင်းမြစ်များ

1 Korinti 9:17

Na na n swɨtǝm mɨɨ, na jǝ ywa ɨ ywa ɨ. Ke bɔ swɨtǝm mɨ, mǝ maa jʊ nɨ Kwaama a nɨ ɨ tatǝm gǝnɨ.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

Filibii 1:5

Mǝ buu kang lɛ a yɔmɔ jǝ́ yɔ lɛ dakini jǝbɔ mǝ a watǝm fulon kɛl lǝmɨ nɨ, a tǝltǝm, a bɛ nǝn a dwiyeni.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 2:22

Jen jǝ́ nyǝm yɨm Timotii kanga nǝn maa maajɨ fulon kɛl lǝmɨ Kwaamaɨ dakinii, maamɔ n tɛ bwɛ jǝbɔ bʊla gɔ.

Filibii 4:15

Jǝ́ nǝbɔ Filibii jǝ́ kwɛl jǝ́ nyǝm nǝn kang jen nǝn kwama mǝ tǝlǝm kiyotǝm fulon kɛl lǝmɨ nɨ a Makidoniyaɨ, nǝn kwama mǝ bǝlam daa gɨɨ, mɨ nǝn kaa mʊrkalɨ nǝb bwangtǝm Kwaamaɨ nɨ a maa mɨ tɨkalɨɨ, na ke bɔ jeni.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.