Filibii 1:11 - Dadiya NT

¹¹ Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Filibii 1:11 ပူးပေါင်းရင်းမြစ်များ

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 15:2

Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.

Yohana 15:8

Jǝ́ maa maajɨtɨn nɨ Kwaama swɨ lɛɨ, sǝ a nʊng jǝ́ bɛtɔ mɛlalɨ mɨ. Jʊ nɨ nǝn gɔ bɛ lɛ nǝn dʊʊlǝn Tɛtɛ mɨɨ.

Roma 15:28

Na kwama mǝ dɨ maajɨ nɨɨ, mǝ nǝ ji tɨkalɨ nɨ kwamɨgǝnɨ, mǝ tɨ tɨ n yal jen a gola yɔm mɨ a tǝm Asbaniya.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

2 Korinti 9:10

Nǝn Kwaama gǝ nǝ nǝbɔ dʊʊmɔ lɛɨ. Nǝn gɔ nǝ jǝjalǝn nɛɨ. Nǝn gɔ sʊ mʊn nyatǝmɔ lɛɨ, sǝ ya jǝ́ tɨka nǝb nɨ lɛ mɨ nǝnɨ.

Afisa 1:12

sǝ nǝn nɨ nǝ tǝl nǝ ya nǝl galɨgǝn a daagɔ Kiristi woi, nǝn bǝlá dʊʊlǝn gǝnɔ.

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Filibii 4:17

Mǝ sʊwa bɔ mǝʊ mǝ saa lǝma a daa jen woi. Mɨ nyɔ. Mǝ swɨ lɛ jǝ́ nya jʊ nɨ sʊ jem bwili lɛ a nǝtǝmɔ jǝ́ maa lɛɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

2 Tasalonikaɨ 1:12

Nǝn maa keli nɨ sǝ dun Tɛlalɔ bǝn Yesui a nya dʊʊltǝm a daa jen woi, jen tʌjen jǝ́ nya dʊʊltǝm a daa gǝ woi, a dul lǝma Kwaama bǝnɨ, jǝbɔ a Tɛlalɔ Yesu Kiristii.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Ibranii 12:11

Mwɛlɔ pʌd nǝn kwama nɔɔtǝm gǝnɨ n jǝ fitǝm nǝl. N ke bɔ jǝ fulotǝm nǝl. A gulɔ gǝm nǝb nɨ a nya mwɛl nyɨɨ, jǝ yɨ yɨ yɨm dǝngdǝng jǝbɔ yɨm kwamɨgǝn.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.