Dʊgam Nyangnyang 8:7 - Dadiya NT

⁷ Bwɛ twama Kwaamaɨ na tɨkǝgagɔ a guu jum gǝnɨ, nǝngɔ tɛl kwamanɔ jǝbɔ kǝlagɔ a sɛ nǝn tʊʊmɨ, ja tal ji fɔ a yooli nɨɨ. Win a mʊgɔ taal na tǝmɔ a twɨm. Win a mʊgɔ taal na tɨyantɨnɔ a twɨm. Pʌd yǝla yʌbigɔ a twɨm.

Dʊgam Nyangnyang 8:7 ပူးပေါင်းရင်းမြစ်များ

Yakubu 1:11

Kanga na nu kwamagɔ a gwi a shilo nyangǝnɨ, gǝ dǝg dǝg yǝlagɔ a kʊshɨ, fɨlǝn gǝnɔ gǝ yal yal, bʊmǝn gǝnɔ a lɛlam. Gǝ na nyɔ nǝ shilo bʊla bʊla a gola lʌbʌrtǝm a tentǝm jǝbɔ miyotǝm a gamdʌbo.

1 Bitrus 1:24

N jʊ a bwɨ kɛl Kwaamaɨ a sʊwa gɔ, “Nǝfitʌmɔ gwam a maa na yǝla. Dʊʊlǝn jinɔ gwam a maa na fɨlǝn yǝla a talɨ. Yǝlagɔ gǝ kʊshɨ kʊshɨ, fɨlǝnɔ gǝ tǝlam tǝlam.

Dʊgam Nyangnyang 12:4

Yǝga gǝnɔ a kʊlam nyanyamɨtɨnɔ win a mʊgɔ taal a dʌbʌl kwama a tal ji a tǝm. Nǝngɔ gʌleng sɔɔ dʊʊ nɨ a tɨ a kǝga nɔɔlɨ nɨ ji bɔɔla fʌl lɛɨ, sǝ a mɨm bʊla gɔ na ga butoi.

Dʊgam Nyangnyang 16:2

Nǝngɔ bwɛ twama Kwaamaɨ na tɨkǝgagɔ a yɔ ya sʊtam jʊ nɨ a mʊgɔ taasa gǝnɨ a dul yooligɔ gǝmɨ. Nǝngɔ kaam dɛɛbǝl bwɨlantɨn nǝtǝm gaalanɔ a jel a bʊtɔ nǝfitʌm nɨ nǝngǝn nǝn kwatɨ yʊwal bwɨla nɨɨ, n nǝbɔ a maa bǝlátǝm bawilom gǝnɨ.

Dʊgam Nyangnyang 16:21

Daltɔ tɛl kwaman nɨ a tuulo nyɨɨ, tuutǝm gǝnɔ win a la kilogɔ fʊltǝnʊɨ, a gǝla a dʌbʌl a tǝla a dul nǝbɨɨ, a dǝg nǝbɔ a tuwo Kwaama a kɛl dul gaalan bwɨla tɛl kwaman nɨ. Gaalan bwɨla nɨ ke bɔ jǝ kuwotǝm.

Dʊgam Nyangnyang 6:8

Mǝ dʌngi, nǝngɔ mǝ kuwo kaa tʊwa nɨ nǝn jʌmto jʌmto nyɨɨ. Dun nǝ gwitǝm gǝnɔ nǝn Bwaa. Daa yamtǝm borang a twal nǝn gɔ a bǝmtǝnɨ. Nǝngɔ ja nǝ ji kwaan win a mʊgɔ naal na tǝgatǝm yooligɨɨ, sǝ ja jʌ nǝbɔ nǝn gulʌn, jǝbɔ jʊwan, jǝbɔ bɔɔla, jǝbɔ namɔ kuuli.

Dʊgam Nyangnyang 7:1

A gulɔ gǝmɨ, n kuwo bɛtɔ twama Kwaamaɨ naal tɨm a gol lɔngɔ naal na yooli nɨ, ja ta yʊwatɨnɔ naal na yooligɔ, kage yʊwagɔ a fǝ tǝmɔ jǝbɔ wɨmagɔ jǝbɔ tɨyantɨnɔ.

Dʊgam Nyangnyang 9:15

Nǝngɔ ja dem kang a bɛtɔ twama bwɨla nɨ naalɨ, wʊnɨ ja fɛka ji n kɛl kwama nɨɨ, jǝbɔ kum nɨɨ, jǝbɔ bwaala nɨɨ, jǝbɔ jol nɨɨ. Jǝ dem jim kang sǝ ja jʌ nǝbɔ win a mʊgɔ taal na nǝfitʌmɔ gwamɨ.

Dʊgam Nyangnyang 9:18

Win a mʊgɔ taal na nǝfitʌmi ja jʌ nǝn kanjǝl bwɨlantɨnɔ taal. Jʊtǝb nɨ nǝn gɔ kǝla jǝbɔ yulʌn jǝbɔ kǝla wʊnɨ a fo, a shi jel lɛ a nyiyo jini.

Dʊgam Nyangnyang 9:4

Ja kaa ji a jatǝm yǝla tǝm nɨ jǝbɔ jʊ nɨ a gii jǝbɔ tɨyantɨnɔ. Ja jǝla jim ja tɛ nǝb nɨ mɨ ji nǝn gwalman Kwaamaɨ a tɛkǝgatɨn jini kwaaji.