Dʊgam Nyangnyang 7:3 - Dadiya NT

³ Sʊwa lɛ gɔ, “Ka jǝ́ nǝ lɛ tǝmɔ gaalan jǝbɔ wɨmagɔ, jǝbɔ tɨyantɨnɔ, nǝn lǝga bɔ nǝn ga bɛtɔ jwaalɛn Kwaamaɨ gǝm gwalmanɔ a tɛkǝga dɨn.”

Dʊgam Nyangnyang 7:3 ပူးပေါင်းရင်းမြစ်များ

Matta 24:22

Na ja mwatɨm bɔ kumtɨn nɨɨ, na mɨ nǝfili nɨ wo bʊʊ lɛɨ. Jʊ a bwɨ ja mwatɨm kumtɨn nɨɨ, n nǝb nɨ ja jǝgamɨ.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 3:33

Na nʊ nɨ a yo kɛl nɨɨ, a nʊng gɔ Kwaama n nǝ bɨlǝngkɛl.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

Dʊgam Nyangnyang 13:16

A dǝg gɔ ja ka jim kwatɨ a kang jajǝng jinɔ gǝm, na mɨ nyɨɨ a tɛkǝga jinɔ gǝm. Nǝb nɨ jǝ ka jim kwatɨ lɛɨ, nǝbɔ mɨ a nyiyo jǝlɨ jǝbɔ dʊʊm, jǝbɔ nǝb shilo jǝbɔ nǝb bʊnǝn, jǝbɔ nǝb lɨyal jǝbɔ jwaalɛb.

Dʊgam Nyangnyang 13:17

A maa nyɔ sǝ mɨ nʊ nɨ wo miyo lɛ jǝbɔ tentǝmɨ, na mɨ gǝ nǝn kwatɨ nɨɨ, wʊnɨ nʊng dun yʊwal bwɨla nɨ lɛɨ, na mɨ nyɨɨ, lamba dun gǝnɔ.

Dʊgam Nyangnyang 14:1

Mǝ dʌngi, nǝngɔ mǝ kuwo Bɛ Gal nɨ tɨm a dʌbʌl yem Sihiyonaɨ. Nǝbɔ woi fʊlkʊblǝnɔ fʊlkʊb jǝbɔ fʊltǝnaal jeli naal (144,000) jǝbɔ gɔ, wʊnɨ ja mʊla dun gǝnɔ jǝbɔ dun Tɨya gɨɨ a tɛkǝgatɨn jini.

Dʊgam Nyangnyang 14:9

Nǝngɔ bwɛ twama Kwaamaɨ na taalɔ a bwang jimi. A gung diilɔ nǝn kwaan a sʊwa gɔ, “Nʊ nɨ a jʊng a maa yʊwal bwɨla nɨ gǝm bǝlátǝmɨ, jǝbɔ bawilom gǝnɨ, a jǝla ja ka gǝm kwatɨ a tɛkǝgaɨ, na mɨ nyɨɨ a kang gǝnɨ,

Dʊgam Nyangnyang 19:2

Jʊ a bwɨɨ bɨlǝngkɛlɔ jǝbɔ dǝngdǝngɔ n biyotǝm borang gǝn. A kwɛl a biyo biyoi gʌleng nɔɔlɨ kalalɨ nɨ gǝm borang, wʊnɨ a kal yooligɔ nǝn bulon gǝnɨ. Kwaama a mwɛ gǝn a kɛl dul tʊʊm jwaalɛb gǝnɔ ga jʌboi.”

Dʊgam Nyangnyang 20:4

Nǝngɔ mǝ kuwo kaam kotere fɔlɔnɔ, jǝbɔ nǝb nɨ ja nǝ ji fɔlɔn biyotǝm borangɨ yǝmam a dul jin. N kuwo kʊlɨ nǝb nɨ ja betam dultɨn jini, a kɛl nǝtǝm nyiyo a dul Yesui jǝbɔ kɛl Kwaamaɨ. Nǝji ja nǝ bɔ yʊwal bwɨla nɨ bǝlátǝm jǝbɔ bawilom gǝnɨ, ja yo bɔ kwatɨ a tɛkǝga jǝbɔ kangtɨn jinɔ. Ja fulo, ja maa fɔlɔn jǝbɔ Kiristi a yɔ nǝn jolɔ fʊlkʊblǝn.

Dʊgam Nyangnyang 22:4

Jǝ kuwo kuwo kǝga gǝnɔ. Dun gǝnɔ jǝ mʊla mʊla a tɛkǝgatɨn jinɔ gǝm.

Dʊgam Nyangnyang 6:6

Nǝngɔ mǝ nyʊwa kaa jǝl a maa na diil a kʊm kanjǝl nɨ naal nǝn kʊlɨɨ sʊwa lɛ gɔ, “Nǝn kwama nɨ taasa nu jaamɔ win a ywatǝm kemʌn maajɨ kumɔ wini, jǝbɔ taasa nu kwalǝmɔ taal a ywatǝm kemʌn maajɨ kumɔ wini, bɛ ka ń kal lɛ nwangɔ jǝbɔ mwɛ fogfogigɔ.”

Dʊgam Nyangnyang 7:1

A gulɔ gǝmɨ, n kuwo bɛtɔ twama Kwaamaɨ naal tɨm a gol lɔngɔ naal na yooli nɨ, ja ta yʊwatɨnɔ naal na yooligɔ, kage yʊwagɔ a fǝ tǝmɔ jǝbɔ wɨmagɔ jǝbɔ tɨyantɨnɔ.

Dʊgam Nyangnyang 7:2

Nǝngɔ mǝ kuwo kaa bwɛ twama Kwaamaɨ gwi lɛ a twalɨ, a ta gwalman Kwaama kʊlɨɨ a kang. Nǝngɔ a jo bɛtɔ twama Kwaamaɨ nɨ naalɨ nǝn diil nǝn kwaanɨ, nǝb nɨ ja nǝ ji kwaan nǝtǝm gaalan a tǝm nɨɨ jǝbɔ wɨmaɨ.

Dʊgam Nyangnyang 9:4

Ja kaa ji a jatǝm yǝla tǝm nɨ jǝbɔ jʊ nɨ a gii jǝbɔ tɨyantɨnɔ. Ja jǝla jim ja tɛ nǝb nɨ mɨ ji nǝn gwalman Kwaamaɨ a tɛkǝgatɨn jini kwaaji.