Dʊgam Nyangnyang 7:1 - Dadiya NT

¹ A gulɔ gǝmɨ, n kuwo bɛtɔ twama Kwaamaɨ naal tɨm a gol lɔngɔ naal na yooli nɨ, ja ta yʊwatɨnɔ naal na yooligɔ, kage yʊwagɔ a fǝ tǝmɔ jǝbɔ wɨmagɔ jǝbɔ tɨyantɨnɔ.

Dʊgam Nyangnyang 7:1 ပူးပေါင်းရင်းမြစ်များ

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Markus 13:27

Twam twam bɛtɔ twama Kwaamaɨ sǝ a mʊr nǝb nɨ ga jǝgam ji a twalɨ, jǝbɔ a diyengɔ, jǝbɔ a gǝlalangɔ, jǝbɔ a gwilʌngɔ. Jʊ a ta a daa tǝmɔ a dɨlǝmɨ a yɔ nǝn a daa dʌbʌl kwamagɔ ya dɨlǝmɨ.

Dʊgam Nyangnyang 20:8

Sǝ a jel ya swag Bʌtʌbɔ lɛ, nǝb nɨ a gol lɔtɨn nɨ naal a yooli nɨ, Gog jǝbɔ Magog. A mʊr ji sǝ ja ta kun. Ladatǝm jinɔ a maa na swiyoti wɨma.

Dʊgam Nyangnyang 6:6

Nǝngɔ mǝ nyʊwa kaa jǝl a maa na diil a kʊm kanjǝl nɨ naal nǝn kʊlɨɨ sʊwa lɛ gɔ, “Nǝn kwama nɨ taasa nu jaamɔ win a ywatǝm kemʌn maajɨ kumɔ wini, jǝbɔ taasa nu kwalǝmɔ taal a ywatǝm kemʌn maajɨ kumɔ wini, bɛ ka ń kal lɛ nwangɔ jǝbɔ mwɛ fogfogigɔ.”

Dʊgam Nyangnyang 7:3

Sʊwa lɛ gɔ, “Ka jǝ́ nǝ lɛ tǝmɔ gaalan jǝbɔ wɨmagɔ, jǝbɔ tɨyantɨnɔ, nǝn lǝga bɔ nǝn ga bɛtɔ jwaalɛn Kwaamaɨ gǝm gwalmanɔ a tɛkǝga dɨn.”

Dʊgam Nyangnyang 8:7

Bwɛ twama Kwaamaɨ na tɨkǝgagɔ a guu jum gǝnɨ, nǝngɔ tɛl kwamanɔ jǝbɔ kǝlagɔ a sɛ nǝn tʊʊmɨ, ja tal ji fɔ a yooli nɨɨ. Win a mʊgɔ taal na tǝmɔ a twɨm. Win a mʊgɔ taal na tɨyantɨnɔ a twɨm. Pʌd yǝla yʌbigɔ a twɨm.

Dʊgam Nyangnyang 9:14

Nǝngɔ diilɔ a sʊwa bwɛ twama Kwaamaɨ na nukunɔ, nʊ nɨ nǝn jumi gɔ, “Dem kang a bɛtɔ twama bwɨla nɨ naal ja bwaba bwabaɨ a tiyo Yufiretisi.”

Dʊgam Nyangnyang 9:4

Ja kaa ji a jatǝm yǝla tǝm nɨ jǝbɔ jʊ nɨ a gii jǝbɔ tɨyantɨnɔ. Ja jǝla jim ja tɛ nǝb nɨ mɨ ji nǝn gwalman Kwaamaɨ a tɛkǝgatɨn jini kwaaji.