Dʊgam Nyangnyang 10:6 - Dadiya NT

⁶ A wɛɛl nǝn dun nʊ nɨ nǝn kʊlɨ mɨ dɨltǝm woi, nʊ nɨ a fwal dʌbʌlɔ jǝbɔ jʊ nɨ a mʊgɔ gǝnɨ, jǝbɔ tǝmɔ jǝbɔ jʊ nɨ a mʊgɔ gǝnɨ, jǝbɔ wɨmagɔ jǝbɔ jʊ nɨ a mʊgɔ gǝnɨ. Nǝn gɔ a wɛɛl gɔ, “Mɨ fiten wo tag.

Dʊgam Nyangnyang 10:6 ပူးပေါင်းရင်းမြစ်များ

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 12:12

A dul kɛl nɨ, bɛ jǝ́ maa fulotǝm nǝl, jǝ́ dʌbʌl kwamagɔ, jǝbɔ nǝbɔ yǝm a mʊgɔ gǝnɨ! N mwɛ jen, mɔ tǝm nɨ jǝbɔ wɨmagɔ, jʊ a bwɨɨ, mammɔ a gǝla a dul jen! A maa nabwɨl, jʊ a bwɨɨ, a nyǝm kumtɨn gǝnɔ ya dwama lɛ.”

Dʊgam Nyangnyang 16:17

Nǝngɔ bwɛ twama Kwaamaɨ na nʌbʌlɔ a sʊtam jʊ nɨ a mʊgɔ taasa gǝnɨ a dʌbʌl kwamaɨ. Nǝngɔ ja nyʊwa kaa diil nǝn kwaan jel lɛ a daagɔ kotere fɔlɔnɔ woi a mʊgɔ Kan Kwaaman sʊwa lɛ gɔ, “A dɨɨ!”

Dʊgam Nyangnyang 21:6

A sʊwa ɨ gɔ, “A dɨɨ. Nǝmǝ mǝ Alfaɨ, Nǝmǝ mǝ Omegaɨ, Nǝmǝ mǝ Tɨkǝgaɨ, Nǝmǝ mǝ Dɨltǝmɨ. Nʊ nɨ nyʊwa diil mwɛ lɛɨ, mǝ nǝ gǝn nǝ mwɛ nɨ a mʊgɔ bwili mwɛ kʊlɨ nǝn kwan.

Dʊgam Nyangnyang 4:10

daltɔ dʊʊm nɨ fʊltiyo jeli naalɨ, ja jʊng a kǝga nʊ nɨ yǝm a dʌbʌl kotere fɔlɔnɨ, nʊ nɨ nǝn kʊlɨ mɨ dɨltǝm woi, jǝ maa gǝm bǝlátǝm lɛ. Ja ya dwang dul fɔlɔn jinɔ tag a kǝga kotere fɔlɔn nɨ, jǝ ma nafɨ lɛ jǝ sʊwa lɛ gɔ,

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”

Dʊgam Nyangnyang 4:9

Nǝn kwama nɨ kanjǝl nɨ nǝn kʊlɨɨ jǝ bǝlá nʊ nɨ lɛ yǝm a dʌbʌl kotere fɔlɔn nʊ nɨ nǝn kʊlɨ tag mɨ dɨltǝm woi, jǝ nǝ gǝn dʊʊn nɛ, jǝ buu gǝm kang lɛɨ,

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.